Májilis depýtaty Juldyz Súleimenova “Ǵylym ordasy” quramyna kiretin Ortalyq ǵylymi kitaphana, Qazaqstan ǵylymy tarihy mýzeii, arheologiia jáne tabiǵat mýzeileri, sondai-aq Ǵylymi arhivtiń áleýmettik máseleleri boiynsha depýtattyq saýal joldady, dep habarlaidy Dalanews.kz.
Súleimenova atalǵan sala boiynsha birqatar máseleni atady.
"Qazirgi tańda Ortalyq ǵylymi kitaphanada 5,8 millionnan astam biregei basylym, XV-XVIII ǵasyrlarǵa jatatyn 20 myń qoljazba jáne 900 myńǵa jýyq ǵylymi kitap saqtalǵan. Bul – eldiń ziiatkerlik qazynasy. Alaida kitaphananyń klimattyq júiesi isten shyqqan: qysta bólmeler sýyq, jazda ylǵal joǵary. Sonyń saldarynan tarihi qundy kitaptar búlinip, betteri úgitile bastaǵan. Buǵan qosa, kitaphana qyzmetkerleriniń jalaqysy tym tómen: 20 jyldyq tájiribesi bar mamandar bar bolǵany 100 myń teńge eńbekaqy alady. Ózge kitaphanalarda jalaqy kezeń-kezeńimen ósip jatqanymen, “Ǵylym ordasy” quramynda bolǵandyqtan, bul mekemelerge mundai ózgerister jetpei otyr", - dep ashyndy depýtat.
Eske salaiyq, buǵan deiin depýtat Juldyz Súleimenova biýdjettik mekemelerdegi tehnikalyq qyzmetkerlerdiń — eden jýýshy, santehnik, elektrik, aýla sypyrýshy siiaqty jumysshylardyń eńbegin ádil baǵalap, jalaqysyn arttyrýǵa baǵyttalǵan biryńǵai júie engizý qajet ekenin atap ótken edi.
Depýtat premer-ministrdiń orynbasary Tamara Dúisenovaǵa depýtattyq saýal joldap, mańyzdy máseleni kóterdi.
Aitýynsha, sońǵy jyldary azamattyq qyzmetkerlerdiń eńbekaqysy jyl saiyn orta eseppen 20%-ǵa ósip keledi. Alaida bul ósim óńirler men aýdandarda birkelki emes, tipti bir qaladaǵy mekemeler arasynda da aiyrmashylyq bar. Bul jaǵdai tehnikalyq qyzmetkerler arasynda túsinispeýshilik týǵyzýda.
Osy tusta, depýtat jalaqynyń ádiletti bólinýin qamtamasyz etý úshin biryńǵai júie engizý qajet ekenin atap ótti.
Sonymen qatar ol jóndeý jumystary úshin qosymsha tólem qarastyrylmaitynyn da qosty. Onyń aitýynsha, bul maqsatqa biýdjetten qarajat bólingenimen, qarapaiym jumysshylarǵa qosymsha mindet júkteledi.
“Bul – eńbek zańnamasyna qaishy. Eger biýdjette qarajat qarastyrylǵan bolsa, tehnikalyq qyzmetkerlerge jóndeý jumystary úshin tiisti tólem tólenýi tiis”, – dedi ol.
Onyń sózinshe, kei jumystarǵa qosymsha aqy tólenbeidi.
"Taǵy bir ózekti másele – hlor qoldanatyn jumystar úshin qosymsha aqy tólenbeidi. Bul máselege qatysty naqty sheshim qabyldanbaǵan. Sol sebepti ony jedel qarastyrý qajet", - dep qosty ol.
Úkimet Dúniejúzilik bankpen birlesip, azamattyq qyzmetkerlerdiń eńbekaqy júiesin jetildirý jumystaryn júrgizip jatyr. Alaida bul ózgerister tehnikalyq personalǵa qalai áser etetini áli belgisiz.
“Aqparattyń jetispeýi jumysshylar arasynda túsinispeýshilik týǵyzady. Jalaqyny arttyrý tetigi ashyq túsindirilip, biryńǵai eńbekaqy júiesi engizilýi kerek”, – dep atap ótti depýtat.
Sonymen qatar ol tehnikalyq qyzmetkerlerdiń aýyr eńbegin eskere otyryp, jalaqyny arttyrý ádistemesine eńbek ótili, jumys júktemesi jáne atqarylatyn jumystyń kúrdeligi siiaqty faktorlar engizilýi tiis ekenin aitty.
