Abzhannews Telegram kanaly aqparat taratty. «Qairat Satybaldyny ustaý kezinde onyń jeke ushaǵynda 1,5 milliard dollar bary belgili boldy. Ol qamaýǵa alynardan buryn Dýbaiǵa ushpaq bolǵan» degen aqparat paida bolǵaly beri aqparat san qubylyp taraǵanyn kýá boldyq.
exk.kz saity bul týraly Antikordan aqparat suraǵan. «Bul týraly eshteńe aita almaimyz. Ókinishke qarai qylmystyq-protsessýaldyq kodekstiń 201 babyna sáikes barlyǵy shekteýli. Jariialaýǵa tiisti aqparattar buǵan deiin aityldy» dep Antikor ókili ózi túsiniktemi bergennen keiin 1,5 mlrd dollarǵa qatysty aqparat eldiń qyzyǵyn odan saiyn ulǵaita tústi. Antikor aqparatty rastaǵan da, joqqa shyǵarǵan da joq.
Qairat Satybaldy naýryz aiynyń ortasynda qamaýǵa alynǵan bolatyn. Sol kezde Antikor basshysy Oljas Bektenov jýrnalisterdiń «ózimen birge qolma-qol kóp aqshasy boldy ma?» degen suraǵyna «Joq, qolma-qol aqsha bolǵan joq. Qazir tergeý amaldary júrgizilip jatyr. Keiinirek aitamyz» dep jaýap bergen edi.
Ol Satybaldyny ustaý isi boiynsha milliardtaǵan qarajat bary týraly da aitty. Alaida qolma-qol qarajat týraly sóz bolǵan joq.
– Qylmystyq is «Qazaqtelekom» AQ-nyń qarajatyn jymqyrý faktisi boiynsha tergelip jatyr. Keshe osy boiynsha tiisti aqparat taratyldy. Qazirgi kezde qarajat somasy anyqtalyp, osy is boiynsha birneshe epizod qamtylǵan. Osy oraida saraptama júrgizilgennen keiin, biz bul somany jariia etemiz. Degenmen osy iske qatysty milliardtaǵan qarajat bar dep aita alamyn, – degen edi sol tusta Oljas Bektenov.
Keshegi aqparat tarai salysymen áleýmettik jelide túrli pikir tarady. Keibiri 1,5 mlrd dollar 15 tonna bolady eken, ony ushaq kótere almaidy dese, biri senemiz degen pikir jazyp jatty.
Atyn aitýdy qalamaǵan sarapshy zańdastyrylmaǵan 10,5 tonna aqshany alyp júre alatyn, almaitynyn bilý úshin ushaqtyń úlgisin bilý kerek deidi. Alaida ushaq týraly esh derek joq.
– Eger jeke ushaq bolsa, kishigirim biznes djetterdiń ondai múmkindigi joq, sonymen birge zańdastyrylmaǵan 1,5 mlrd dollardy bir elden bir elge ushaqpen jetkizý múmkin emes. Qolma-qol osynsha qarajatty alý miǵa onsha qona qoimaidy, – deidi ol.
Satybaldy sońǵy ret 2018 jyly qazaqstandyq Forbs tizimine ilingen. Ol jerde bailyǵy $163 000 000 dep kórsetilgen.
