اbzhannews Telegram كانالى اقپارات تاراتتى. «قايرات ساتىبالدىنى ۇستاۋ كەزٸندە ونىڭ جەكە ۇشاعىندا 1,5 ميلليارد دوللار بارى بەلگٸلٸ بولدى. ول قاماۋعا الىناردان بۇرىن دۋبايعا ۇشپاق بولعان» دەگەن اقپارات پايدا بولعالى بەرٸ اقپارات سان قۇبىلىپ تاراعانىن كۋە بولدىق.
exk.kz سايتى بۇل تۋرالى انتيكوردان اقپارات سۇراعان. «بۇل تۋرالى ەشتەڭە ايتا المايمىز. ٶكٸنٸشكە قاراي قىلمىستىق-پروتسەسسۋالدىق كودەكستٸڭ 201 بابىنا سەيكەس بارلىعى شەكتەۋلٸ. جارييالاۋعا تيٸستٸ اقپاراتتار بۇعان دەيٸن ايتىلدى» دەپ انتيكور ٶكٸلٸ ٶزٸ تٷسٸنٸكتەمٸ بەرگەننەن كەيٸن 1,5 ملرد دوللارعا قاتىستى اقپارات ەلدٸڭ قىزىعىن ودان سايىن ۇلعايتا تٷستٸ. انتيكور اقپاراتتى راستاعان دا, جوققا شىعارعان دا جوق.
قايرات ساتىبالدى ناۋرىز ايىنىڭ ورتاسىندا قاماۋعا الىنعان بولاتىن. سول كەزدە انتيكور باسشىسى ولجاس بەكتەنوۆ جۋرناليستەردٸڭ «ٶزٸمەن بٸرگە قولما-قول كٶپ اقشاسى بولدى ما?» دەگەن سۇراعىنا «جوق, قولما-قول اقشا بولعان جوق. قازٸر تەرگەۋ امالدارى جٷرگٸزٸلٸپ جاتىر. كەيٸنٸرەك ايتامىز» دەپ جاۋاپ بەرگەن ەدٸ.
ول ساتىبالدىنى ۇستاۋ ٸسٸ بويىنشا ميللياردتاعان قاراجات بارى تۋرالى دا ايتتى. الايدا قولما-قول قاراجات تۋرالى سٶز بولعان جوق.
– قىلمىستىق ٸس «قازاقتەلەكوم» اق-نىڭ قاراجاتىن جىمقىرۋ فاكتٸسٸ بويىنشا تەرگەلٸپ جاتىر. كەشە وسى بويىنشا تيٸستٸ اقپارات تاراتىلدى. قازٸرگٸ كەزدە قاراجات سوماسى انىقتالىپ, وسى ٸس بويىنشا بٸرنەشە ەپيزود قامتىلعان. وسى ورايدا ساراپتاما جٷرگٸزٸلگەننەن كەيٸن, بٸز بۇل سومانى جارييا ەتەمٸز. دەگەنمەن وسى ٸسكە قاتىستى ميللياردتاعان قاراجات بار دەپ ايتا الامىن, – دەگەن ەدٸ سول تۇستا ولجاس بەكتەنوۆ.
كەشەگٸ اقپارات تاراي سالىسىمەن ەلەۋمەتتٸك جەلٸدە تٷرلٸ پٸكٸر تارادى. كەيبٸرٸ 1,5 ملرد دوللار 15 توننا بولادى ەكەن, ونى ۇشاق كٶتەرە المايدى دەسە, بٸرٸ سەنەمٸز دەگەن پٸكٸر جازىپ جاتتى.
اتىن ايتۋدى قالاماعان ساراپشى زاڭداستىرىلماعان 10,5 توننا اقشانى الىپ جٷرە الاتىن, المايتىنىن بٸلۋ ٷشٸن ۇشاقتىڭ ٷلگٸسٸن بٸلۋ كەرەك دەيدٸ. الايدا ۇشاق تۋرالى ەش دەرەك جوق.
– ەگەر جەكە ۇشاق بولسا, كٸشٸگٸرٸم بيزنەس دجەتتەردٸڭ ونداي مٷمكٸندٸگٸ جوق, سونىمەن بٸرگە زاڭداستىرىلماعان 1,5 ملرد دوللاردى بٸر ەلدەن بٸر ەلگە ۇشاقپەن جەتكٸزۋ مٷمكٸن ەمەس. قولما-قول وسىنشا قاراجاتتى الۋ ميعا ونشا قونا قويمايدى, – دەيدٸ ول.
ساتىبالدى سوڭعى رەت 2018 جىلى قازاقستاندىق فوربس تٸزٸمٸنە ٸلٸنگەن. ول جەردە بايلىعى $163 000 000 دەپ كٶرسەتٸلگەن.
