Qazaqstan men Kipr prezidentteri kelissózder qorytyndysy boiynsha BAQ ókilderine arnalǵan brifing ótkizdi, dep habarlaidy dalanews.kz.
Prezidenttiń aitýynsha, qazir elimizde Kipr kapitalynyń qatysýymen 400-den astam kompaniia jumys istep jatyr. Olardyń 30-ǵa jýyǵy Astana halyqaralyq qarjy ortalyǵynda tirkelgen.
"Osynyń ózi elderimizdiń iskerlik jáne investitsiialyq bailanystary dáiekti túrde damyp jatqanyn kórsetedi. Búgin elordamyzda Qazaqstan-Kipr biznes-forýmy ótedi. Mańyzdy jiynǵa eki eldiń isker toptary qatysady. Kipr kásipkerleriniń delegatsiiasy osy forýmǵa arnaiy keldi. Sol úshin qurmetti Prezident myrzaǵa zor rizashylyǵymdy bildiremin. Qazaqstan óz naryǵynda jumys isteýge nietti Kipr kompaniialaryna qolaily jaǵdai jasaýǵa árqashan daiyn. Biz Kiprdiń isker azamattaryn uzaq merzimge arnalǵan investitsiialyq jobalardy birlesip iske asyrýǵa shaqyramyz. Jaqynda elimizde jańa Konstitýtsiia qabyldandy. Ata zańǵa sáikes Qazaqstanda menshiktiń barlyq túrine kepildik beriledi. Bas qujatymyz investorlardyń quqyǵyn barynsha qorǵaidy. Buǵan qosa, kiprlyq áriptesterimiz Qazaqstannyń Altyn Visa baǵdarlamasyn qoldana alady. Bul vizany alǵan kásipkerler men mamandarǵa salyq jáne kóshi-qon máselesine qatysty jeńildikter usynylady", – dedi Qasym-Jomart Toqaev.
Memleketter basshylary kelissóz barysynda tsifrlyq tehnologiialar jáne innovatsiialar salasyndaǵy yqpaldastyqqa erekshe nazar aýdarǵan.
"Kipr tarapy Qazaqstannyń eGov júiesine jáne elimizde memlekettik qyzmetterdi tsifrlandyrýǵa qatysty jobalaryna qyzyǵýshylyq tanytyp otyr. Biz bul baǵyttaǵy tájiribemizdi bólisýge daiynbyz. Sonymen qatar kelissózder barysynda mádeni-gýmanitarlyq bailanystardy damytýǵa airyqsha kóńil bóldik. Atap aitqanda, ǵalymdar men ǵylymi mekemeler arasyndaǵy qarym-qatynasty kúsheitýge, bilim berý, sport jáne týrizm salasyndaǵy yntymaqtastyqty nyǵaitýǵa kelistik. Jalpy, búgingi kelissózder tabysty ótti deýge tolyq negiz bar. Biz ózara yqpaldastyǵymyzǵa tyń serpin beretin birqatar mańyzdy qujatqa qol qoidyq. Bul kelisimder eki memlekettiń qarym-qatynasyn kúsheite túsedi dep senemin", – dedi Memleket basshysy.
