Aqyn Serikzat Dúisenǵazy uly Álihannyń qazasyna bailanysty tergeý aiaqtalǵanyn málimdedi. Bul týraly ol Instagram paraqshasynda jazba qaldyrdy, dep habarlaidy Dalanews.kz.
2023 jyldyń 2 qańtarynda bolǵan Álihannyń qazasyna bailanysty uzaqqa sozylǵan tergeý jumysyn Aqmola oblystyq Ishki ister basqarmasynyń tergeýshileri 2023 jyldyń qazan aiynda aiaqtaǵan.
"Qazir bul is boiynsha sot protsesi júrip jatyr. Psihologiialyq turǵydan aýyr bolsa da men bul iske jábirlenýshi retinde qatysýdamyn. Qańtar aiynyń 22 kúni bastalǵan sottyń tergep-tekserý satysynda kináli tarap ózderiniń jazasyz qalatyndaryna senimdiligin baiqatýda. Eki advokat jaldap, ózderiniń esh kinásiz ekenin dáleldegisi keletin taraptyń sot protsesi kezinde bergen ospadar jaýaptary meni tolǵandyryp otyr. Sot bul qylmystyq is boiynsha óz sheshimin shyǵara jatar. Biraq men jábirlenýshi retinde qoǵamnyń nazaryn aýdaratyn birqatar jaittardy sizdermen bóliskim keledi", – dep jazdy aqyn.
Kópshilikke taý shańǵysy kýrortynyń qyzmetterin usynatyn "Elikti Park" JShS-nyń qazirgi basshysy S. degen azamat (kókshetaýlyqtardyń aitýynsha jáne ashyq internet jelisindegi aqparattar boiynsha "Elikti Park" JShS-nyń 2020 jyldan bergi iesi jáne basshysy osy adam dep tur. Biraq "Elikti Park" JShS qujattary boiynsha basqa adam kúdikti sanalyp otyr. S.-ny kúdikti retinde tartý týraly talabymyzdy sot qanaǵattandyrǵan joq) sotqa kýáger retinde shaqyrylǵan. Osy S. degen azamat dál qazir ózi basqaratyn "Elikti Park" JShS-nyń qaýipsizdik erejeleriniń talaptaryna sai kelmeitinin moiyndamai, elimizdegi taý shańǵy bazalarynda apta saiyn adamdardyń ártúrli deńgeide jaraqat alatynyn mysalǵa keltirip, ol Qazaqstan Respýblikasynyń aýmaǵynda qalypty jaǵdai ekendigin sotta bergen jaýabynda aitty. Jáne muny kádimgi norma retinde qabyldaý qajet dep sanaidy eken. Sonda QR Konstitýtsiiasynda jazylǵan elimizdiń basty bailyǵy adam degen bapty qaida qoiamyz? Adam ómirine qaýipsiz, Ádiletti Qazaqstan quramyz degen josparymyz qaida?", – deidi ol.
Serikzat Dúisenǵazynyń aitýynsha, demalys aimaǵyndaǵy qaýipsizdik úshin atalmysh mekeme jaýap bermeitin bop shyqqan.
"Onyń aitýynsha, "Elikti Park" JShS tek shańǵy men shańǵy tebýge qajetti quraldardy ǵana beredi. Qalǵan qaýipsizdigińniń barlyǵyna ózi jaýaptysyń. Eger qulap mertigip qalsań alǵashqy meditsinalyq kómek kórsetý de olardyń mindetine kirmeidi eken Shańǵy úiretetin instrýktorlarynyń da, basqa qyzmetkerleriniń de mundai qaýipti qyzmetpen ainalysýǵa litsenziialary men oqyǵan diplomdary joq", – dep jazdy ol.
