Biylǵy jyldyń qańtar-aqpan ailarynda Allur kompaniiasy quramyndaǵy Kia brendi satylym kólemin 85,9%-ǵa arttyryp, Qazaqstandaǵy jańa avtokólikter naryǵynda ekinshi orynǵa shyqty. Bul týraly «Qazaqstannyń Avtokólik Odaǵy» málimdedi, dep habarlaidy Dalanews.kz.
Aqpan aiynda qazaqstandyqtar 2402 dana Kia avtokóligin satyp alǵan. Bul kórsetkish 2025 jyldyń aqpanymen salystyrǵanda 33,1%-ǵa joǵary. Brendtiń naryqtaǵy úlesi de ótken jyldyń osy kezeńimen salystyrǵanda 6,9%-ǵa ósip, 18,8%-ǵa jetti.
Aita keterligi, Kia-nyń birden úsh modeli aidyń eń kóp satylǵan avtokólikteriniń alǵashqy ondyǵyna endi. Brendtiń eń tanymal úlgisi – ortasha kólemdi Sportage krossoveri. Aqpanda 1278 kólik satylyp (+34%, 2025 jyldyń aqpanymen salystyrǵanda), ol reitingte úshinshi orynǵa jaiǵasty. Besinshi orynǵa jańa yqsham sedan Soluto kóterildi – 382 kólik (+13,4%, 2026 jyldyń qańtarymen salystyrǵanda). Al altynshy orynda iri Sorento krossoveri – 352 kólik, bul ótken jyldyń aqpanymen salystyrǵanda 1253,8%-ǵa ósken.
Jalpy, qańtar-aqpan ailarynda Qazaqstanda Kia avtokólikteriniń satylymy 5176 danaǵa jetip, ótken jyldyń sáikes kezeńimen salystyrǵanda 85,9%-ǵa artty.
«Bul ósimge modeldik qatardyń keńdigi men tartymdylyǵy, tiimdi baǵa usynystary jáne, árine, Kia avtokólikteriniń barlyǵynyń jergilikti óndirisi yqpal etti. Biyl qazaqstandyq avtokólik ieleri men brend jankúierlerin kóptegen qyzyqty jańalyqtar kútip tur», – dedi Kia-nyń Qazaqstandaǵy distribýtsiia direktory Daniiar Ýrazbaev.
Aita keteiik, naýryz aiynyń sońyna deiin brendtiń barlyq modelderi barynsha tiimdi baǵamen usynylady. Máselen, Kia Sportage úlgisine 5,5 mln teńgege deiin, K5 modeline 5 mln teńgege deiin, al Ceed toptamasyna 2,6 mln teńgege deiin jeńildik qarastyrylǵan.
Satyp alýshylarǵa arnalǵan tiimdi usynystar men modeldik qatardyń keńeiýi Kia brendiniń Qazaqstan naryǵyndaǵy ósimin odan ári jedeldetip otyr.
