19 shildede Temirtaýdaǵy Qarmet Park («Eńbek dańqy» saiabaǵy) aýmaǵynda Kia Basketball Fest festivali ótedi, dep habarlaidy dalanews.kz.
Is-shara Metallýrg kúnine orai uiymdastyrylyp otyr. Festival aiasynda Allur kompaniiasynyń quramyndaǵy Kia brendi Qazaqstandaǵy iri taý-ken metallýrgiia kompaniiasy Qarmet-pen birlesip, qalaǵa FIBA 3×3 halyqaralyq standartyna sai jańa basketbol alańyn syiǵa tartady.
Festival saǵat 10:00-den 22:00-ge deiin jalǵasady. Kirý barlyq kelýshiler úshin tegin.
Baǵdarlama aiasynda Men PRO, U18 uldar jáne U18 qyzdar sanattary boiynsha 3×3 týrniri ótedi. Jalpy júlde qory 3 million teńgeden asady, bul Qazaqstandaǵy kóshe basketboly tarihyndaǵy eń iri júlde qory sanalady. Matchtardy ulttyq jáne halyqaralyq sanattaǵy tóreshiler FIBA 3×3 erejeleri boiynsha júrgizedi.
Festivaldiń mýzykalyq bóliminde RaiM men SHIZA óner kórsetedi.
Sondai-aq Media Basket kórme matchy uiymdastyrylyp, oǵan RaiM, SHIZA, LEGORUS, SHYNGYS, SIXO, KUSH, SOLAKAI, AITKALI, RUSLAN, KALI, MIRONOV, BAHA, ROBERT PAN, ALGA PETERBURG jáne NURMANBETOV MADIYAR qatysady.
Balalar men otbasylar úshin akvagrim, animatorlar, túrli baiqaýlar jáne kúni boiy jumys isteitin tamaqtaný aimaǵy qarastyrylǵan.
Týrnirge qatysý tegin. Komandalardy tirkeý arnaiy saitta júrgiziledi. Alaida ótinim berý avtomatty túrde qatysýǵa kepildik bermeidi, sońǵy sheshimdi uiymdastyrýshylar qabyldaidy.
Festivaldiń seriktesteri qatarynda Kia, Qarmet, Temirtaý qalasynyń ákimdigi, Gmask jáne Howe bar.
