Buǵan kerekýlikter qalaı qarar eken? Kerekýdegi qazaqtildi qaýym quptasa quptaıtyn bolar, orystildi orta shala búlinip júrmeı me?
Estýimizshe kósheniń atyn aýystyrýdy oblys ákimi Bolat Baqaýovqa bir kezdegi Pavlodar qalasynyń ákimi, ázir óńirdegi qoǵamdyq keńestiń tóraǵasy Aleksandr Rúmkın usynǵan eken.
"Kýtýzov kóshesiniń óńi ózgergen qazir. Jalpy qalany kórkeıtýde kóp is atqardyńyz. Almatydaǵy Fýrmanov kóshesiniń aty Nazarbaev dep ózgergen edi. Shymkentte de osyndaı bastama kóterilgen. Biz qalysamyz ba? Kerekýdegi eń kórikti degen kóshege Nazarbaevtyń atyn nege bermeske" – deıdi Rúmkın.
Oblys basshysy Baqaýov ta Rúmkınmen kelisip otyr. Oılanaıyn depti.
"Jalpy bul máselege baıqap kelý kerek. Ózińiz de bilesiz Kýtýzov kóshesiniń atyn ózgertý áýelden aıtylyp júr. Óz basym bul ıdeıany qos qoldap qoldaımyn", – deıdi Baqaýov.
Kýtýzov – Kerekýdegi eń uzyn kóshe. 1812 jyly patsha úkimetiniń tusynda berilgen eken bul ataý.
Byltyr Kerekýdegi Lenın kóshesiniń aty Astana dep ózgertilgen.
