بۇعان كەرەكۋلىكتەر قالاي قارار ەكەن؟ كەرەكۋدەگى ءقازاقتىلدى قاۋىم قۇپتاسا قۇپتايتىن بولار، ءورىستىلدى ورتا شالا ءبۇلىنىپ جۇرمەي مە؟
ەستۋىمىزشە كوشەنىڭ اتىن اۋىستىرۋدى وبلىس اكىمى بولات باقاۋوۆقا ءبىر كەزدەگى پاۆلودار قالاسىنىڭ اكىمى، ءازىر وڭىردەگى قوعامدىق كەڭەستىڭ ءتوراعاسى الەكساندر ريۋمكين ۇسىنعان ەكەن.
"كۋتۋزوۆ كوشەسىنىڭ ءوڭى وزگەرگەن ءقازىر. جالپى قالانى كوركەيتۋدە كوپ ءىس اتقاردىڭىز. الماتىداعى فۋرمانوۆ كوشەسىنىڭ اتى نازاربايەۆ دەپ وزگەرگەن ەدى. شىمكەنتتە دە وسىنداي باستاما كوتەرىلگەن. ءبىز قالىسامىز با؟ كەرەكۋدەگى ەڭ كورىكتى دەگەن كوشەگە نازاربايەۆتىڭ اتىن نەگە بەرمەسكە" – دەيدى ريۋمكين.
وبلىس باسشىسى باقاۋوۆ تا ريۋمكينمەن كەلىسىپ وتىر. ويلانايىن دەپتى.
"جالپى بۇل ماسەلەگە بايقاپ كەلۋ كەرەك. ءوزىڭىز دە بىلەسىز كۋتۋزوۆ كوشەسىنىڭ اتىن وزگەرتۋ اۋەلدەن ايتىلىپ ءجۇر. ءوز باسىم بۇل يدەيانى قوس قولداپ قولدايمىن"، – دەيدى باقاۋوۆ.
كۋتۋزوۆ – كەرەكۋدەگى ەڭ ۇزىن كوشە. 1812 جىلى پاتشا ۇكىمەتىنىڭ تۇسىندا بەرىلگەن ەكەن بۇل اتاۋ.
بىلتىر كەرەكۋدەگى لەنين كوشەسىنىڭ اتى استانا دەپ وزگەرتىلگەن.
