Prezidentimiz Qasym-Jomart Toqaev: “Halqymyzdy biriktiretin ortaq qundylyqtardy barynsha dáriptep, oi-sanaǵa berik ornyqtyrýymyz kerek. Mysaly, Naýryz meiramyn atap ótý tujyrymdamasyn jasap, kóktem merekesiniń mazmunyn baiyta túsken jón. Búkil qoǵamdy uiystyratyn qundylyqtar neǵurlym kóp bolsa, birligimiz de soǵurlym bekem bolady”, - dep atap ótken bolatyn «Táýelsizdik bárinen qymbat» atty maqalasynda. Biylǵy Ulystyń Uly kúni Naýryz meiramyn atap ótý onlain format túrindegi
is-sharalar baǵytynda 10 kún boiy merekeleý degen úndeýi de barshamyzǵa belgili.
Osyǵan bailanysty aýdanynyń jastar resýrstyq ortalyǵynyń mamandary qazaqtyń ulttyq kiimderin jumys ornynda kiip júrý arqyly ata salt-dástúrimizben qazaqy bolmysymyzdy dáripteýge qoldaý kórsetýge yqpal etip, aýdandaǵy barlyq bólimderdiń mamandaryn, basshylaryn qoldaýǵa shaqyryp, chellendj uiymdastyrdy.
Kerbulaq aýdandyq jastar resýrstyq ortalyǵynyń basshysy Tajibaev Erlan: ''Qazaqstan Respýblikasy Táýelsizdiginiń 30 jyldyǵy jáne Ulystyń Uly kúni Naýryz merekesi aiasynda ulttyq kiimdi dáripteý men ulyqtaý maqsatynda chellendjimizdi bastadyq, ári bul igi bastamany qoldaidy dep senemiz! Azamatqa aibat, qyzǵa kórik beretin ulttyq kiimderdi barsha halyq kise, jarasyp-aq keter edi. Biz óz ulttyq kiimimizdi ózimiz dáripteý arqyly salt-dástúrimizdi, ádet-ǵuryptarymyzdy, rýhani qundylyqtarymyzdy árqashan ulyqtap júreiik. Naýryz qutty bolsyn!'', - dedi.
Sonymen qatar, Kerbulaq aýdandyq jastar resýrstyq ortalyǵynyń bastaýymen Saryózek orta mektebiniń qoldaýymen Ulystyń uly kúni
22 naýryz merekesine oraĭ Saryózek orta mektebiniń oqýshylary arasynda «BAÝYRSAQ PARTY» jarysy uĭymdastyryldy. Atalǵan jarysqa 10 oqýshy qatysyp, júldeli oryndarǵa ie bolǵan jastar Alǵys hatpen, baǵaly syĭlyqtarmen marapattaldy. Osyndaĭ jarystardy jastar arasynda ótkizýdiń basty maqsaty ata dástúrimizdi jańǵyrtyp, salt-dástúrimiz ben ulttyq qundylyqtarymyzdy nasihattaý, jastarymyzǵa qazaqtyń ulttyq qundylyqtaryn qadirleýge jáne jastardy ata salt-dástúrimizdi ulyqtaýǵa shaqyrý bolyp tabylady.
Igi is-shara jas kúreńbeldikterdiń kámelet jasqa tolyp, aýdyn ákiminiń qolynan jeke kýálikterin alýmen jalǵasyn tapty. Táýelsizdiktiń
30 jyldyǵyna orai, Ulystyń Uly kúni Naýryz meiramy qarsańynda aýdan ákimi Ǵaliasqar Sarybaev kúreńbeldik jas jetkinshekterge ómirlerindegi alǵashqy qujat, jeke kýálikterin tapsyrdy. Jastardy quttyqtai otyryp, aýdan ákimi Ǵaliasqar Tólendiuly: ''Sizderdi osy aitýly oqiǵamen shyn júrekten quttyqtaimyn. Alda sizderde úlken jáne qyzyqty ómir bar. Qai joldy tańdasańyz da, eń bastysy, siz árqashan óz Otanyńyzdyń patrioty bolyp qala berińizder'', - dedi. Jas jetkinshekter: ''Qazaqstan azamatynyń jeke kýáligin ala otyryp, biz prezidentimiz Qasym-Jomart Toqaev, halqymyz bastaǵan uly isti senimdilikpen, tabandylyqpen jalǵastyramyz'', - dedi. Sonymen qatar, 19 naýryz kúni Qyzyljar aýylyndaǵy J. Japarov atyndaǵy orta mektebinde jerlesimiz, Qyzyljar aýylynyń týmasy Beisen Quranbek mýzeii jáne synyby ashyldy.
Sondai-aq, Ulystyń Uly kúni Naýryz merekesine orai aýdan əkimi Ǵaliasqar Tólendiulynyń bastaýymen erikti jastardyń jəne Shanhanai aýyldyq okrýg əkimdigi mamandarynyń qatysýymen Shanhanai aýylyna qarasty aýdanymyzdyń kieli, qasterli, tabiǵattyń erekshe qublysynyń biri Shiirbai bastaý – bulaq kózderin ashyp ainalasyna kóktemgi tazalyq jumystaryn júrgizý is-sharasy ótkizildi. Is-shara barysynda aýdan basshylyǵy bastaǵan top jəne erikti jastar ulttyq salt-dəstúrimizdi saqtap, ulttyq kiimderimizben, ulttyq taǵamdarymyzben jəne aqsaqaldarymyzdyń aq batasymen is-sharany ótkizdi.
Naýryz merekesine orai aýdanymyzdyń 8 kópbalaly analary da marapattaldy.
Halqymyz qashanda otbasylyq qundylyqtardy joǵary qoiatyny belgili. Ásirese urpaq ósirip ony tárbieleýde altyn qursaqty analardyń alar orny airyqsha. Sondai qurmet Shubar, Sarybulaq, Qoǵaly, Saryózek, Jainaq, Taldybulaq aýyldyq okrýgteriniń analaryna buiyrdy.
Urpaǵynyń sanyn arttyryp, el demografiiasyna úles qosqan aq jaýlyqty analardy Kerbulaq aýdanynyń ákimi Ǵaliasqar Sarybaev marapattady.
«Qazaq halqy árqashan otbasylyq qundylyqtardy joǵary qoiǵan. Ásirese, altyn qursaqty analardy halqymyz erekshe qadirleidi. Otbasynyń altyn dińgegi bolyp, taǵylymdy tárbie, izgi dástúrler sabaqtastyǵyn jalǵap júre berińizder», - dedi quttyqtaý sózinde aýdan ákimi.
Kópbalaly ana, Saryózek aýdanynyń turǵyny, 5 qyz 1 ul tárbielep otyrǵan Janbyrbaeva Liailia memleket tarapynan ana men balaǵa jasalyp otyrǵan qamqorlyqqa alǵysyn aitty: «Men siiaqty kópbalaly ana úshin bul marapatqa ie bolý úlken mártebe, memleketimiz batyr analarǵa erekshe kóńil bólgenine qýanyshtymyn. Jubaiym ekeýmiz 1 jas pen 21 jas aralyǵyndaǵy 6 balany tárbielep otyrmyz, otbasymyz óte jaqsy, keremet balalarymyz bar», - deidi kúmis alqa iegeri Janbyrbaeva Liailia.
«Altyn alqa» Jaisanova Dariǵa, Beisenova Nurlaimǵa tabys etilse, «Kúmis alqamen» kóp balaly analar Janbyrbaeva Liailia, Olshannikova Olga, Iskakova Gúlbaǵiza, Kýshikova Gaýhar jáne Titova Natalia marapattaldy.
Búgingi tańda Kerbulaq aýdanynda 476 «Altyn alqa», 550 «Kúmis alqa» iegerleri, 915 kópbalaly ana turady. Olardyń ishinde 409 otbasy ataýly áleýmettik kómek alady.
Aita keteiik, 22 Naýryz kúni dúniege kelgen sábilerge aýdan ákimi Ǵaliasqar Tólendiuly arnaiy «Qazaqstan Respýblikasynyń Táýelsizdigine 30 jyl» degen jazýmen tigilgen kórpeshlerdi syiǵa tartpaq.
Raýshan BISEMBEKOVA,
Kerbulaq aýdany ákiminiń baspasóz-hatshysy
