Kentaý qalasyna qarasty Qarnaq aýylynyń turǵyny Abdashım Iýldashev 2009 jyldan bastap jylyjaı sharýashylymen aınalysyp keledi. Kásipker búginde 0,2 gektar aýmaqta kókónistiń eki túrin ósirip, ónim alýda, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

«Zamıra» dep atalatyn qyzanaqtyń sortyn egýdi qolǵa alǵan ol jylyna 30-40 tonna ónim alýda. Ol qyzǵylt qyzanaq pen qıar ónimin Kentaý qalasynan bólek ózge óńirlerge de satylymǵa shyǵarady.

Jylyjaı sharýashylyǵyn otbasylyq kásipke aınaldyrǵan qojalyq ıesi aýyl turǵyndaryn jumyspen qamtyp otyr. Kásipkerdiń búgingi tańda ónimin tasymaldaıtyn 3 dana aýyr jáne 1 dana jeńil kóligi bar.

Sorty erekshe qyzǵylt qyzanaq pen qıarǵa degen suranystyń artýyna baılanysty taǵy bir jylyjaıdyń qurylysy júrgizilýde. Kúz mezgilinde qurylysy aıaqtalsa kóshetterdi egip, ónim alý josparlanýda. Kásipker osylaısha jylyjaıdyń kólemin 0,5 ga aýmaqqa ulǵaıtýǵa nıetti.