Kentaýdyń 50-den astam kóshesi jóndelýde
Jóndeý jumystary biylǵy jyldyń qazan aiyna deiin aiaqtalady dep kútilýde. Kentaý qalasynyń ishki joldary jyl sońyna deiin 26 shaqyrymnan astam jol jóndelip, jalpy joldardyń jaqsy jáne qanaǵatty jaǵdaiy – 75,6%-ǵa jetedi.
2022 jyly qalǵan 43 shaqyrym joldy jóndeýden ótkizý josparlanǵan. Nátijesinde Kentaý qalasyndaǵy jaqsy jáne qanaǵattanarlyq jaǵdaidaǵy joldardyń úlesi 100 %-ǵa jetetin bolady.
Qazirgi tańda shahardaǵy 11 kóshesiniń qiylystaryna zamanaýi baǵdarshamdar ornatý jumystary bastaldy.
Aita keteiik, Kentaý qalasynda 2020-2025 jyldar aralyǵynda jalpy uzyndyǵy 101,7 shaqyrym bolatyn 142 kóshege aǵymdaǵy, ortasha jáne kúrdeli jóndeý jumystary júrgiziletin bolady. Qaladaǵy barlyǵy 258 kósheniń jalpy uzyndyǵy 173,5 shaqyrymdy quraidy. Ótken jyly 13,2 shaqyrymdy quraityn 35 kóshege ortasha jóndeý jumystary júrgizildi.
