Jalpy, ortalyqta jastarǵa qyzmet kórsetý úshin barlyq jaǵdaı jasalǵan. Máselen, belgili kásipkerlerdiń qatysýymen jastardy kásipkerlikke baýlyp, kepilsiz nesıe berýge baǵyttalǵan túrli semınar-trenıngter ótip turady.
Sonymen qatar jastardy soltústikke qonys aýdaryp, sonda qalyp jumys isteýge nasıhattaıtyn bos jumys oryndarynyń jármeńkesi uıymdastyrylady.
Qanat Bekmetov, Kentaý qalalyq jastar ortalyǵynyń jetekshisi:
- Búgingi tańda jastarǵa ne qajet? Ol – jastar arasynda quqyq buzýshylyq pen qylmystyń aldyn alý maqsatynda bos ýaqytyn qalaı ótkizedi, soǵan jastardy beıimdeý. Ekinshisi, bizdiń memlekettik baǵdarlamamyz bar, ıaǵnı jastar kóbine turǵyn úı, qoljetimdi baspana, «Dıplommen aýylǵa», «Serpin» baǵdarlamasyna qatysty keńes beremiz. Toǵyzqumalaq úıirmeleri, ulttyq qundylyqtar, ulttyq oıyndarymyzdy qaıta jańǵyrtý maqsatynda túrli úıirmeler jumys isteıdi.
Sondaı-aq aldaǵy 2019 jyl Jastar jyly bolǵandyqtan, olardy jumyspen qamtyp, sapaly bilim alýyna baǵyttalǵan keshendi jumys jospary bekitilgen.
Qala ákiminiń qoldaýymen sport alańdary da ashylypty.
Jalpy, Túrkistan oblysynda bes júz myńnan asa jas bar. Bul oblys halqynyń 26 paıyzyn quraıdy. «Serpin-2050» jobasy aıasynda 1 589 jas soltústik óńirlerde bilim alyp jatyr. Al bıylǵy jyly «Dıplommen aýylǵa» baǵdarlamasy sheńberinde jumysqa turǵan 863 jas mamannyń 314-i baspanaly bolǵan.
