Kentaý qalasy qus sharýashylyǵyn damytý baǵyty boiynsha 284 paiyzǵa, balyq sharýashylyǵyn damytý baǵytyn 132 paiyzǵa oryndap, aldynǵy oryndy ielendi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Aýyl sharýashylyǵy salasynda ótken jyly 13,3 mlrd teńgeniń ónimi óndirilgen. Egin sharýashylyǵynda 7,8 mlrd teńgeniń ónimi óndirilip, 2,5 myń gektarǵa aýyl sharýashylyǵy daqyldary egilgen. 3 agroqurylymda qosymsha 80 gektarǵa tamshylatyp sýǵarý ádisi endirilip, tapsyrma 100 paiyzǵa oryndalǵan. Aýyl sharýashylyǵy óniminiń 5,4 mlrd teńgesi mal sharýashylyǵynda óndirilgen.
QR Prezidenti aýyldardy damytýǵa erekshe nazar aýdarýdy tapsyrǵan bolatyn. Osy baǵytta ótken jyly «Aýyl amanaty» jobasy iske qosyldy. Jobanyń maqsaty – aýyl halqynyń tabysyn arttyrý, turǵyndardyń ál-aýqatyn jaqsartýǵa baǵyttalǵan.
Atalǵan joba boiynsha Kentaý qalasynan Qarnaq, Hantaǵy aýyldary endi. 2023 jyly «Yrys» MQU-dan 92 joba qarjylandyryldy. Baǵdarlama aiasynda ataýly áleýmettik kómek alýshylarǵa 5 joba usynylyp, 26,6 mln teńgege tolyq qarjylandyryldy. «Aýyl amanaty» baǵdarlamasy boiynsha biyl 477 mln teńgege 97 jobany iske asyrý josparlanyp otyr. Nátijesinde 194 jańa jumys oryndary ashylady dep kútilýde.
