Kentaýda Elbasy "Uly dalanyń jeti qyry" atty maqalasyna arnalǵan erekshe festifal ótti.
Festival qonaqtary men qazylar alqasyn Kentaý qalasynyń ákimi Ábdibaqyt Maqulbaev arnaiy qabyldap, aimaqtyń tynys-tirshiligi jóninde áńgimeledi.
Elbasy Joldaýynan bastaý alyp, Otandy súiý babalardan miras bolǵan uly murany qadirleý, ony kózdiń qarashyǵyndai saqtaý, óz úlesińdi qosyp damytý jáne keiingi urpaqqa amanat etý maqsatynda uiymdastyrylyp, oǵan qalalyq etno-mádeni ortalyqtarynyń ókilderi men ardagerleri qatysty. Ulttyq kiim aqsaqaldar bata berip, aq kimeshekti ájeler shashý shashsa, ulttyq aspaptarda súiemeldeýmen án salǵan óner ujymdary arnaiy dáliz jasap, qonaqtardy qarsy aldy.
Festivali aiasynda «Yntymaq» alańynda bi úiirmeleriniń «Rýhani jańǵyrý», «Nurly jol» fleshmoby jáne tsirk óneri kórsetilse, mádeniet úiiniń foiesinde S.Báiterekov atyndaǵy saz mektebiniń orkestri kúi oryndap, «Mádeni mura» baǵdarlamasy aiasynda Qarataý shejiresi, kieli jerler, geografiialyq erekshelikterin aiqyndaityn arnaiy stend kórmeler uiymdastyryp, tanystyrdy.
Sonymen qatar, «Shabyt» jáne «Shyǵys yrǵaqtary» bi toptary «Astana», «Kentaýym» ánderin san túrli qimylmen kórkemdep myń buralsa, «Qarnaq dýri - nabi» folklorlyq ansambli alǵash ret sahnaǵa shyǵyp ózbek ulttyq kúilerinen «Popýrri» oryndady.
Kontserttik baǵdarlamada 33 jyldan beri eńbek etip kele jatqan «Ardagerler» hory S.Qýashbaidyń sózine jazylǵan A.Asanovtyń «Máńgi el úshin» ánimen airyqsha áser qaldyrdy.
Shara barysynda Jaqsylyqovtar otbasylyq ansambli S.Báiterekovtiń ánderinen popýrri oryndasa, drama úiirmesiniń qatysýshylary «Úsh dostyń bastan keshkenderi» atty satiralyq qoiylym kórsetip, egemen eldiń "Rýhani jańǵyrý" tarihi jylnamasy aiasyndaǵy airyqsha qadamy, taǵylymdy isteri, Kentaý qalasynyń búgini men bolashaq kelbeti sahna bezendirýden bastap, ánder men jyr-termelerden de keńinen nasihattaldy.
Festival sońy Kentaý qalasyndaǵy mádeniet jáne tilderdi damytý bólimine qarasty mádeniet úileri men klýb meńgerýshileri, úiirme jetekshileri men óner ujymdary qatysqan baspasóz konferentsiiasymen qorytyndylandy.
