كەنتاۋدا ەلباسى "ۇلى دالانىڭ جەتى قىرى" اتتى ماقالاسىنا ارنالعان ەرەكشە فەستيفال ءوتتى.
فەستيۆال قوناقتارى مەن قازىلار القاسىن كەنتاۋ قالاسىنىڭ اكىمى ءابدىباقىت ماقۇلبايەۆ ارنايى قابىلداپ، ايماقتىڭ تىنىس-تىرشىلىگى جونىندە اڭگىمەلەدى.
ەلباسى جولداۋىنان باستاۋ الىپ، وتاندى ءسۇيۋ بابالاردان ميراس بولعان ۇلى مۇرانى قادىرلەۋ، ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ دامىتۋ جانە كەيىنگى ۇرپاققا امانات ەتۋ ماقساتىندا ۇيىمداستىرىلىپ، وعان قالالىق ەتنو-مادەني ورتالىقتارىنىڭ وكىلدەرى مەن ارداگەرلەرى قاتىستى. ۇلتتىق كيىم اقساقالدار باتا بەرىپ، اق كيمەشەكتى اجەلەر شاشۋ شاشسا، ۇلتتىق اسپاپتاردا سۇيەمەلدەۋمەن ءان سالعان ونەر ۇجىمدارى ارنايى ءدالىز جاساپ، قوناقتاردى قارسى الدى.
فەستيۆالى اياسىندا «ىنتىماق» الاڭىندا بي ۇيىرمەلەرىنىڭ «رۋحاني جاڭعىرۋ»، «نۇرلى جول» فلەشموبى جانە سيرك ونەرى كورسەتىلسە، مادەنيەت ءۇيىنىڭ فويەسىندە س.بايتەرەكوۆ اتىنداعى ساز مەكتەبىنىڭ وركەسترى كۇي ورىنداپ، «مادەني مۇرا» باعدارلاماسى اياسىندا قاراتاۋ شەجىرەسى، كيەلى جەرلەر، گەوگرافيالىق ەرەكشەلىكتەرىن ايقىندايتىن ارنايى ستەند كورمەلەر ۇيىمداستىرىپ، تانىستىردى.
سونىمەن قاتار، «شابىت» جانە «شىعىس ىرعاقتارى» بي توپتارى «استانا»، «كەنتاۋىم» اندەرىن سان ءتۇرلى قيمىلمەن كوركەمدەپ مىڭ بۇرالسا، «قارناق دۋري - نابي» فولكلورلىق ءانسامبلى العاش رەت ساحناعا شىعىپ وزبەك ۇلتتىق كۇيلەرىنەن «پوپۋرري» ورىندادى.
كونسەرتتىك باعدارلامادا 33 جىلدان بەرى ەڭبەك ەتىپ كەلە جاتقان «ارداگەرلەر» حورى س.قۋاشبايدىڭ سوزىنە جازىلعان ا.اسانوۆتىڭ «ماڭگى ەل ءۇشىن» انىمەن ايرىقشا اسەر قالدىردى.
شارا بارىسىندا جاقسىلىقوۆتار وتباسىلىق ءانسامبلى س.بايتەرەكوۆتىڭ اندەرىنەن پوپۋرري ورىنداسا، دراما ۇيىرمەسىنىڭ قاتىسۋشىلارى «ءۇش دوستىڭ باستان كەشكەندەرى» اتتى ساتيرالىق قويىلىم كورسەتىپ، ەگەمەن ەلدىڭ "رۋحاني جاڭعىرۋ" تاريحي جىلناماسى اياسىنداعى ايرىقشا قادامى، تاعىلىمدى ىستەرى، كەنتاۋ قالاسىنىڭ بۇگىنى مەن بولاشاق كەلبەتى ساحنا بەزەندىرۋدەن باستاپ، اندەر مەن جىر-تەرمەلەردەن دە كەڭىنەن ناسيحاتتالدى.
فەستيۆال سوڭى كەنتاۋ قالاسىنداعى مادەنيەت جانە تىلدەردى دامىتۋ بولىمىنە قاراستى مادەنيەت ۇيلەرى مەن كلۋب مەڭگەرۋشىلەرى، ۇيىرمە جەتەكشىلەرى مەن ونەر ۇجىمدارى قاتىسقان باسپا ءسوز كونفەرەنسياسىمەن قورىتىندىلاندى.
