2018 jyly 10 aıynda Kentaý qalasy boıynsha 7 kóp qabatty turǵyn úı kesheniniń qurylys jumystary júrgizildi. Onyń ishinde 2 nysan (120 páter, jalpy quny – 898 mln.teńge, aýdany 7294 sh.m ) qarasha aıynda tolyǵymen qabyldanyp, paıdalanýǵa berildi. 5 nysan 2019 jylǵa ótpeli (300 páter 2 340,8 mln.teńge, aýdany 16620 sh.m). Kópqabatty turǵyn úı kesheniniń jalpy smetalyq quny 3 238,8 mln.teńgeni quraıdy.
Aǵymdaǵy jyly 5 dana 2 qabatty qyzmettik úı qurylysy bastalyp, jyl sońyna deıin paıdalanýǵa tapsyrylady. Páterler sany – 54, jalpy aýdany – 2296,84 sh.m. Sonymen qatar 10 dana 5 qabatty 60 páterli turǵyn úılerdiń jobasy ázirlenip, 2019 jyly qurylys jumystaryn bastaý josparlanýda. Páter sany – 600, jalpy aýdany 33 470 sh.m quraıdy.
Elbasymyzdyń «Bes áleýmettik bastamasy» atty halyqqa arnalǵan úndeýindegi aıqyn basymdyqtarǵa oraı túzilgen memlekettik 7-20-25 baǵdarlamasy boıynsha da jumystar júrgizilýde. Iaǵnı, Iqan jáne Shornaq eldi mekenderindegi salynyp jatqan eki qabatty 12 páterlik 2 turǵyn úıdiń árqaısysynan 1 páterden, Kentaý qalasy ishindegi 10 páterlik 1 turǵyn úıdiń 3 páterin, Baıyldyr, Hantaǵy eldi mekenindegi turǵyn úılerden 1 páterden jalpy 7 páterdi 7-20-25 baǵdarlamasy boıynsha satý kózdelgen.
