Bıylǵy jyly jóndeýden ótken kóshelerdiń barlyǵyna júrginshiler joly qosa salynady. Bul týraly qalalyq turǵyn-úı komýnaldyq sharýashylyǵy, jolaýshylar kóligi jáne avtomobıl joldary bólimini habarlap otyr.
Qalanyń 5 ishki kóshelerin ortasha jóndeý jumystaryna 58,0 mln.teńge bólinip, 2,5 shaqyrym jol jóndeldi. 27,6 mln.teńgege kópqabatty turǵyn úılerdiń aýlalaryndaǵy 9,1 sh.m. jol jóndeýden ótti.
Qulynshaq, Súıindikov, Molda Musa, Búrgem, Eńbekshi jáne Kóktóbe kóshelerine qıyrshyq tas qumdy qospadan ýaqytsha joldardy ortasha jóndeýge 16,8 mln. teńge qarjy bólinip, tas tóseý jumystary júrgizildi.
Ál-Farabı jáne Ýalıhanov kóshesi boıynda avtoturaq ornatý jumystaryna 9,4 mln.teńge qarjy bólinip, jumystar atqaryldy.Sonymen qatar, qalada 15 dana beınebaqylaý kameralaryn ornatýǵa 8,7 mln.teńge, 110 dana jol belgilerin ornatýǵa 1,7 mln.teńge, 140 metr jol kedergilerin ornatýǵa 4,2 mln.teńge, 10 dana baǵdarsham ornatýǵa 24,5 mln.teńge qarjy bólinip, jumystar atqaryldy.
Jol jóndeý jumystary qalaǵa qarasty aýyldarda da júrgizilip jatyr. «Óńirlerdi damytý» baǵdarlamasy boıynsha Qarnaq aýylyna 14 mln 370 myń teńge qarjy qaralyp, Eńbek, Naýryz kóshelerine asfált tóseldi. Jospar aıasynda «Jumyspen qamtý-2020» baǵdarlamasy boıynsha taǵy 4 kóshe jóndelmek.
