Kentaýda jastar arasynda estafetalyq jarys ótti
Sport densaýlyq kepili ekeni bárimiz bilemiz. Desek te, kópshiligimiz sportpen ainalysýdy turaqty túrde daǵdyǵa ainaldyra almai júrgenimiz taǵy jasyryn emes. Onyń túrli sebepteri de jeterlik. Bul turǵyda, úlkender jaǵyn aitpaǵannyń ózinde, jastardyń aldynan da kóptegen kedergiler kóldeneńinen shyǵyp jatady. Jastardy sportqa baýlý – jarqyn bolashaq kepili. Sondyqtan bul turǵydaǵy atqarylar jumystardy jandandyrý asa mańyzdy. Ári kezek kúttirmeitin másele.
– Bolashaǵymyz dep úmit artqan jastarymyzdyń deni ǵalamtordyń shyrmaýynan shyǵa almai jatqany da kóńil qulazytady. Qazirdiń ózinde álem halqynyń 57 paiyzy betpe-bet tildesýden góri, internet arqyly, dálirek aitqanda, áleýmettik jeli arqyly «áńgimelesedi». Kún saiyn jastardyń júzbe-júz sóilesýi azaiyp, áleýmettik júie qoldanysy, kerisinshe, artyp keledi. Al bizdiń uiymdastyrǵan estafetalyq jarys jastardyń ózara sóilesip, adami qasietterdiń damytýǵa da septesetinin aita ketýimiz kerek. Jalpy bizdiń mektep mundai jarystardy jii ótkizip keledi, – dep jarysty uiymdastyrýshylar óz oilaryn ortaǵa saldy.
Bul jarys sportty janyna serik etý arqyly olar deni saý urpaq retinde qalyptastyp qana qoimai, tárbieli ári sanaly jastardyń qataryn arttyrýǵa septigin tigizetinin baiqadyq. Ol úshin álbette bizdiń qoǵam soǵan sai jaǵdai da jasai bilýi qajet-aq. Jastarymyz sportpen shuǵyldanýy úshin eń birinshi kezekte sport nysandary da, halyqqa qoljetimdi deńgeide bolýǵa tiisti. Máselen, qazirgi tańda elimizde 35 783-den astam sporttyq ǵimarat bar. Sonyń 64 paiyzǵa jýyǵy aýylda. Elimizdegi 2100 nysan jekemenshiktiń qolynda. Bul – dene shynyqtyrý jáne sport maqsatyndaǵy nysannyń 22 paiyzy.
