Kentaýda 900-ge jýyq otbasy baspanamen qamtylady
Atap aitqanda, Kentaý qalasy Jibek joly kóshesindegi №41 turǵyn úidiń, Altynsarin kóshesindegi №9B jáne Ýálihanov kóshesindegi №136A turǵyn úiiniń qurylys jumystary tolyǵymen aiaqtalyp, búgingi tańda aýlany abattandyrý jumystary júrgizilýde. Sondai-aq, Seifýllin kóshesindegi №116 turǵyn úiiniń búgingi tańda ishki árleý, sylaq jumystary jumystary júrgizilýde. Al Qonaev kóshesindegi №44A turǵyn úidiń qurylysy boiynsha búgingi tańda 4-qabattyń qabarǵalaryn kóterý jumystary júrýde. Atalǵan turǵyn úilerde 1 bólmeli – 15 páter, 2 bólmeli – 15 páter, 3 bólmeli – 30 páter bar.
Sonymen qatar, Sh.Ýálihanov kóshesi boiynan 5 qabatty 60 páterli 10 turǵyn úidiń qurylys jumystary bastalýda. Páter sany – 600, jalpy aýdany – 33 470 sharshy metr. Nysandar 2020 jylǵa ótpeli.
Aita keterligi, Kentaý qalasynda 2018 jyly «Nurly jer» baǵdarlamasy aiasynda árqaisysy 60 páterli 2 turǵyn úi kesheniniń qurylys jumystary júrgizilip, 120 otbasy baspanamen qamtylǵan. El igiligine tapsyrylǵan turǵyn úilerdiń jalpy aýdany – 7294 sharshy metr.
Túrkistan oblysy ákiminiń baspasóz qyzmeti
