Kentaý qalasy jáne oǵan qarasty aýyl-aimaqtar aýyz sýmen qanshalyqty qamtylǵan?
Aitalyq Kentaý qalasy jáne oǵan qarasty aýyl turǵyndary 24 saǵat, Ashysai aýyly 12 saǵat aýyz sýmen qamtamasyz etilgen.
Sý qubyrlaryn qaita qurý jumystarynyń III kezeńine 2018 jylǵa -140,6 mln.teńge bólinip, «Bolashaq», «Juldyz» jáne №64, 65, 68, 69 móltek aýdandarynda aýyz sýqubyrlary salynyp, nátijesinde 820 abonent ortalyqtandyrylǵan aýyz sýmen qamtamasyz etildi.
Eski Saýran eldi mekeninde sý qubyry jelilerin salý jumystaryna 75,0 mln.teńge bólinip, 25,0 mln. teńgesi igerildi. Nysan 2019 jyly paidalanýǵa beriledi dep josparlanyp otyr.
Sonymen qatar Qarajon eldi mekeninde de sý qubyry jelilerin salý jumystaryna 22,4 mln.teńge bólinip, 8,5 mln. teńgesi igerildi. Nysandy jyl sońyna deiin tolyq aiaqtaý josparlanýda.
Al Úshqaiyq aýyldyq okrýginiń A.Úsenov eldi mekenin aýyz sýmen qamtamasyz etý jumystaryna 101,1 mln.teńge bólinip, 99,5 mln.teńgesi igerildi. Nysan 2019 jylǵa ótpeli.
Shaǵa eldi mekeninde sý qubyry jelilerin salý jumystaryna 56,2 mln.teńge bólinip, 37,5 mln.teńgesi igerildi. Nysan 2019 jylǵa ótpeli.
