Qaraǵandy oblysynyń politseileri Ulttyq qaýipsizdik komiteti departamenti qyzmetkerlerimen birlesip, Qarmet AQ-nyń jumyskerleri men Abai qalasy turǵyndaryn bopsalaǵan qylmystyq topty quryqtady, – dep habarlaidy Dalanews.kz.
Byltyr jeltoqsanda Qarmet kenshilerin bopsalaǵan qylmystyq top ustalǵan edi. Sol kezde qylmystyq toptyń 7 múshesi qamaýǵa alyndy. Birneshe qylmystyq isti tergeý barysynda ustalǵandarǵa qatysty uiymdasqan qylmystyq top qurý, oǵan basshylyq jasaý jáne qatysý boiynsha sotqa deiingi tergeý júrgizildi.
Tergeý áreketteri barysynda jalpy quny 55 million teńgeden asa ózge de bopsalaý derekteri anyqtaldy.
Sondai-aq, olardyń “Qazaqstan Temir Joly” AQ-nyń nysandarynan taýar-material urlaý deregine qatysy bary anyqtaldy.
Osyǵan orai biyl 13 aqpanda Politsiia departamentiniń uiymdasqan qylmysqa qarsy kúres basqarmasynyń jáne Ulttyq qaýipsizdik komiteti departamentiniń jedel ýákilderi joǵaryda aitylǵan qylmystarǵa qatysy bar taǵy da 8 adamdy ustady.
Politsiia qyzmetkerleri 25 tintý júrgizip, tirkelmegen atys jáne sýyq qarý, oq-dáriler jáne dini kitaptar tárkiledi. Olardyń osyǵan uqsas basqa da qylmysqa qatysy tekserilip jatyr.
