قاراعاندى وبلىسىنىڭ پوليسەيلەرى ۇلتتىق قاۋىپسىزدىك كوميتەتى دەپارتامەنتى قىزمەتكەرلەرىمەن بىرلەسىپ، Qarmet اق-نىڭ جۇمىسكەرلەرى مەن اباي قالاسى تۇرعىندارىن بوپسالاعان قىلمىستىق توپتى قۇرىقتادى، – دەپ حابارلايدى Dalanews.kz.
بىلتىر جەلتوقساندا Qarmet كەنشىلەرىن بوپسالاعان قىلمىستىق توپ ۇستالعان ەدى. سول كەزدە قىلمىستىق توپتىڭ 7 مۇشەسى قاماۋعا الىندى. بىرنەشە قىلمىستىق ءىستى تەرگەۋ بارىسىندا ۇستالعاندارعا قاتىستى ۇيىمداسقان قىلمىستىق توپ قۇرۋ، وعان باسشىلىق جاساۋ جانە قاتىسۋ بويىنشا سوتقا دەيىنگى تەرگەۋ جۇرگىزىلدى.
تەرگەۋ ارەكەتتەرى بارىسىندا جالپى قۇنى 55 ميلليون تەڭگەدەن اسا وزگە دە بوپسالاۋ دەرەكتەرى انىقتالدى.
سونداي-اق، ولاردىڭ “قازاقستان تەمىر جولى” اق-نىڭ نىساندارىنان تاۋار-ماتەريال ۇرلاۋ دەرەگىنە قاتىسى بارى انىقتالدى.
وسىعان وراي بيىل 13 اقپاندا پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ جانە ۇلتتىق قاۋىپسىزدىك كوميتەتى دەپارتامەنتىنىڭ جەدەل ۋاكىلدەرى جوعارىدا ايتىلعان قىلمىستارعا قاتىسى بار تاعى دا 8 ادامدى ۇستادى.
پوليسيا قىزمەتكەرلەرى 25 ءتىنتۋ جۇرگىزىپ، تىركەلمەگەن اتىس جانە سۋىق قارۋ، وق-دارىلەر جانە ءدىني كىتاپتار تاركىلەدى. ولاردىڭ وسىعان ۇقساس باسقا دا قىلمىسقا قاتىسى تەكسەرىلىپ جاتىر.
