Osyny túsingen Almaty oblysynyń biznesmenderi basqa óńirlerge úlgi bolarlyq igi isti qolǵa alǵanǵa uqsaidy. Oblystaǵy kásipkerler kópbalaly jáne áleýmettik jaǵynan az qamtylǵan otbasylarǵa qamqorlyq kórsetip jatyr.
Sondai sharapaty mol sharanyń biri – Tekeli qalasynda boldy.
37 jastaǵy «Kúmis alqa» iegeri Nazgúl Qojykeeva osy ýaqytqa deiin balalaryn ózi ósirip, ózi tárbielep keldi.
On jyldan beri jaldamaly páterde turyp kele jatqan anaǵa Taldyqorǵan qalasynyń ákimi qamqorlyq kórsetti.
Qala ákimi Bahtiiar Ónerbaev jergilikti kásipkerlerdiń kómegimen jalǵyzbasty anaǵa 4 bólmeli úidiń kiltin tabys etti. Aita ketetin bir jait, otbasyndaǵy eń kishkentai sábi –segiz ailyq. Aty –Inabat. Kishkentai sábi bir jasqa tolǵanda anasy Nazgúlge «Altyn alqa» belgisi tapsyrylatyn boldy.
Qazirgi ýaqytta otbasy memleketten ataýly áleýmettik kómek alyp, balalardyń járdemaqysymen kúneltip otyr.
Endi olar 1 sáýirden bastap kóp balaly analarǵa beriletin memlekettik 165997 teńge járdemaqy alady.
–On jyldan beri páter jaldap turdyq. «Ózimizdiń páterimiz qashan bolady?» dep armandadyq. Qaiyrymdy jandar qoǵamda bar eken. Eń aldymen qala ákimi Bahtiiar Ónerbaevqa jáne úidi áperýge qolushyn sozǵan kásipker azamattarǵa myń alǵys. Mektep te – janymyzda. Balalarym endi alańsyz uiyqtaityn boldy. Soǵan qýanamyn,–deidi jalǵyzbasty, kóp balaly ana.
Aita ketý kerek, qazirgi ýaqytta Tekeli qalasynda 415 kóp balaly otbasy turady. Qala ákimi Bahtiiar Ónerbaevtyń aitýynsha, olardyń 170 -ne baspana kerek.
Al resmi túrde kezekte turǵany – 55 otbasy ǵana. Ultjandy azamat, qala basshysy bul rette kásipkerler tarapynan jasalynyp jatqan igi qadamdardyń jalǵasatynyn atap ótti. Arnaiy qurylǵan qaiyrymdylyq qorynan mamyr aiynda taǵy da kóp balaly bir otbasyǵa baspana satyp áperilmek.
–Memlekettik qoldaýdyń arqasynda Tekeli qalasynyń kásipkerleri qaiyrymdylyqtan syrt qala almady. Kásipker Viktor Sychev bizdiń bastamamyzdy qoldap, Nazgúl Qojykeevaǵa jeke úi satyp alýǵa qoldaý kórsetti. Áleýmettik jaǵynan az qamtylǵan otbasylarǵa arnap, arnaiy qor ashtyq. Qordaǵy qarjy sondai muqtaj jandarǵa jumsalady. Bul oraida qaiyrymdylyq sharalary jalǵasyn tabatyn bolady,–deidi Tekeli qalasynyń ákimi Bahtiiar Ónerbaev.
Derekkóz: qamshy.kz
