Reseilik telegram arnalar «Krokýs siti hol» kontsert zalynda adamdarǵa oq jaýdyrǵan lańkester ustalǵanyn habarlai bastady, - dep habarlaidy Dalanews.kz.
Sońǵy málimetter boiynsha, terakt saldarynan qaza tapqandar sany 82-ge jetken.
Resei Federatsiiasynyń resmi organdary lańkester ustalǵany týraly aqparatqa pikir bildirmegen. Alaida Gosdýma depýtaty Aleksandr Hinshteinniń sózinshe, kúdiktiler otyrǵan kólik Hatsýn aýylynyń mańynda anyqtalǵan. Kólikti politsiia toqtatýǵa tyrysqanymen ishinde otyrǵan adamdar tártip saqshylaryna baǵynbai ketken. Osylaisha tártip saqshylary qarý qoldanýǵa májbúr bolǵan.
Atys bastalyp, kúdiktiler otyrǵan kólik aýdarylyp ketken. Kólikte jalpy alty adam otyrǵan. Onyń bireýi ustalyp, qalǵany ormanǵa qarai qashyp ketken.
Túngi ýaqytta ekinshi terrorist ustalǵan. Qalǵanyn izdeý boiynsha jumystar júrgizilip jatyr.
Izdeý operatsiiasyna Reseidiń barlyq kúsh qurylymy tartylǵan.
Gosdýma depýtaty Aleksandr Hinshteinniń sózinshe, kúdiktiler otyrǵan kólikten Makarov tapanshasy, Kalashnikov avtomatynyń oqtary men jeke qujattar tabylǵan.
Sonymen qatar, jelide bul teraktke Tájikstan azamattarynyń qatysy bar degen aqparat taraǵan. Alaida Tájikstannyýń Syrtqy ister ministrligi bul aqparatty teriske shyǵardy.
