رەسەيلىك تەلەگرام ارنالار «كروكۋس سيتي حول» كونسەرت زالىندا ادامدارعا وق جاۋدىرعان لاڭكەستەر ۇستالعانىن حابارلاي باستادى، - دەپ حابارلايدى Dalanews.kz.
سوڭعى مالىمەتتەر بويىنشا، تەراكت سالدارىنان قازا تاپقاندار سانى 82-گە جەتكەن.
رەسەي فەدەراسياسىنىڭ رەسمي ورگاندارى لاڭكەستەر ۇستالعانى تۋرالى اقپاراتقا پىكىر بىلدىرمەگەن. الايدا گوسدۋما دەپۋتاتى الەكساندر حينشتەيننىڭ سوزىنشە، كۇدىكتىلەر وتىرعان كولىك حاسۋن اۋىلىنىڭ ماڭىندا انىقتالعان. كولىكتى پوليسيا توقتاتۋعا تىرىسقانىمەن ىشىندە وتىرعان ادامدار ءتارتىپ ساقشىلارىنا باعىنباي كەتكەن. وسىلايشا ءتارتىپ ساقشىلارى قارۋ قولدانۋعا ءماجبۇر بولعان.
اتىس باستالىپ، كۇدىكتىلەر وتىرعان كولىك اۋدارىلىپ كەتكەن. كولىكتە جالپى التى ادام وتىرعان. ونىڭ بىرەۋى ۇستالىپ، قالعانى ورمانعا قاراي قاشىپ كەتكەن.
تۇنگى ۋاقىتتا ەكىنشى تەرروريست ۇستالعان. قالعانىن ىزدەۋ بويىنشا جۇمىستار جۇرگىزىلىپ جاتىر.
فوتو: تەلەگرام / Baza
ىزدەۋ وپەراسياسىنا رەسەيدىڭ بارلىق كۇش قۇرىلىمى تارتىلعان.
گوسدۋما دەپۋتاتى الەكساندر حينشتەيننىڭ سوزىنشە، كۇدىكتىلەر وتىرعان كولىكتەن ماكاروۆ تاپانشاسى، كالاشنيكوۆ اۆتوماتىنىڭ وقتارى مەن جەكە قۇجاتتار تابىلعان.
سونىمەن قاتار، جەلىدە بۇل تەراكتكە تاجىكستان ازاماتتارىنىڭ قاتىسى بار دەگەن اقپارات تاراعان. الايدا تاجىكستاننىۋڭ سىرتقى ىستەر مينيسترلىگى بۇل اقپاراتتى تەرىسكە شىعاردى.
