Oǵan belgili arheolog-ǵalymdar, Ál-Farabı atyndaǵy Qazaq ulttyq ýnıversıtetiniń profesorlary Ábdesh Tóleýbaev pen Zaınolla Samashevtyń qazba jumysy nátıjelerinde tabylǵan Shyǵys Qazaqstan oblysyndaǵy ejelgi saq qorǵandarynyń altyn artefaktileri qoıyldy.
Ulybrıtanıa jurtshylyǵy bizdiń dáýirimizge deıingi VIII-III ǵasyrlarda Ortalyq Azıada, atap aıtqanda Qazaqstannyń Altaı taý júıesinde ústemdik etken skıf órkenıetiniń jádigerleri, saq qorǵandarynan tabylǵan qundy dúnıelerin tamashalaý múmkindigine ıe boldy.
Kórmede Berel, Shilikti jáne Eleke Sazy sıaqty úsh túrli qorymnan shyqqan júzge jýyq arheologıalyq olja qoıylǵan. Ekspozısıa ejelgi saqtardyń kóshpeli mal sharýashylyǵy, taý-ken óndirisi jáne metalýrgıa salalarynda biregeı mádenıeti men tereń bilimi bolǵanyn kórsetedi.
Bul kezeńdi ejelgi qazaqtar tarıhyndaǵy «altyn ǵasyr» dep te ataıdy. Kıimi 15 000 altyn zattan turatyn «altyn adamnyń» qaldyǵy, ekspozısıaǵa qoıylǵan eń baǵaly eksponattardyń biri. «Ulybrıtanıaǵa jáne álbette búkil álemge Qazaqstannyń ejelgi mádenıetin tanytýǵa arnalǵan erekshe múmkindik.
Ekspozısıa Fısýılám murajaıynda keler jyldyń 30-qańtaryna deıin ótedi.
