Sarapshylar Kaspii teńizine qatysty dabyl qaǵyp otyr, dep habarlaidy Dalanews.kz.
24.kz málimetine súiensek, bes memleketke ortaq teńizdiń qazaqstandyq bóliginde jaǵalaý syzyǵy 18 shaqyrymǵa sheginip ketken. Aqtaýda bas qosqan tabiǵat janashylarlary bul qubylysty ekologiialyq apatqa teńep otyr. Jiynǵa táýelsiz sarapshylar, jergilikti ýákiletti organdarmen qatar, halyqaralyq uiym músheleri de qatysty.
"Kaspiidiń jyldam taiyzdanýyna oǵan quiatyn 130 ózenniń kóbiniń tartylyp qalýy, ásirese, Edildiń boiynda 12 sý elektr stantsiiasy salynýy tikelei áser etti. Másele ǵalamdyq deńgeige kóterilmeýin Kaspii mańy elderi birlese áreket etý arqyly ǵana toqtata alady", - deidi forýmǵa qatysýshylar.
Keiingi jyldary júrgizilgen zertteýler teńiz sýynyń jalpy aýmaǵy 70 myń sharshy shaqyrymǵa deiin sheginip ketkenin kórsetken.
"Kaspii Araldyń taǵdyryn bastan keshýi múmkin. Keletin sýdyń mólsheri kóbeiedi eken dep úmittenýdiń qajeti joq. Olai bolsa, basqa jobany qarastyrý qajet. Sonaý soltústiktegi Ob ózeniniń bir bóligin Torǵai qaqpasy arqyly Kaspii teńizine ákelip quiý. Ekinshi nusqa - Eýraziia kanalyn salý. Bul kanal arqyly Qara teńizben, dálirek aitqanda, Azov teńizi men Kaspii teńiziniń arasyn Qýma-Manash oipattary arqyly qosý", - deidi Amanat partiiasy janyndaǵy ekologiialyq keńestiń tóraǵasy Orynbasar Toǵjanov.
