Keles aýdany bilim bólimine qarasty №2 Ó.Jánibekov atyndaǵy mektep-gimnaziiasynyń 11-synyp oqýshysy Ábýbákir Armanuly sheteldik joǵary oqý oryndarynan birneshe halyqaralyq bilim grantyna ie bolyp, úlken jetistikke qol jetkizdi, – dep habarlaidy Dalanews.kz
Jas talapker Frantsiia, Italiia, Litva jáne Malaiziia elderindegi bedeldi joǵary oqý oryndarynan shaqyrtý aldy.
Atap aitqanda, ol John Cabot University (Italiia, Rim) ýniversitetinen 50% oqý grantyna, American University of Paris (Frantsiia) ýniversitetinen 70% oqý grantyna, LCC International University (Litva) oqý ornynan jartylai oqý grantyna, sondai-aq Xiamen University Malaysia ýniversitetinen 4 jyldyq tolyq oqý grantyna shaqyrtý alǵan.
"Bul shákirttiń birneshe jyldyq eńbegi men júieli daiyndyq jumystarynyń nátijesi. Jetistikke jetý jolynda ata-anasynyń qoldaýy men ustazdarynyń eńbegi men tálim-tárbiesi úlken ról atqarǵany sózsiz. Ásirese, aǵylshyn tili pániniń muǵalimi ári synyp jetekshisi Ulyqbek Berdalievtiń kásibi qoldaýy erekshe atap ótýge turarlyq", - delingen habarlamada.
Qazirgi tańda Ábýbákir Armanuly Túrkiia úkimetiniń Türkiye Burslari halyqaralyq shákirtaqy baǵdarlamasy, Bolgariiadaǵy American University in Bulgaria, sondai-aq Ońtústik Koreia ýniversitetterinen de oń nátije kútýde.
