Túrkistan oblysy Keles aýdanynda sýǵa ketken 7 jastaǵy balany izdeý jumystary jalǵasýda, dep habarlaidy Dala News.
TJM málimetinshe, bala 23 naýryz kúni saǵat 17:00 shamasynda Keles ózenine qulap, sýǵa batyp ketken. Izdestirý jumystaryna TJM, politsiia, UQK, jergilikti organdar, eriktiler men týystary jumyldyrylǵan.
Qutqarýshylar Abai men Júzimdik aýyldary mańyndaǵy ózenniń 42 shaqyrym aýmaǵyn tekserip jatyr. Sonymen qatar sý betimen 15 shaqyrym, sý astynda 900 metr aýmaq qaralǵan.
Shymkentten kelgen qutqarýshylar da izdeýge qosylyp, Lesbekbatyrdan Syrdariiaǵa deiingi 9 shaqyrym ýchaskeni tekserýde. Izdestirý barysynda drondar, eholot jáne 8 júzý quraly paidalanylýda.
Izdeýdi jeńildetý úshin sý deńgeiin tómendetý sharalary qabyldanyp, Qazyǵurttaǵy shliýz toqtatylyp, Ózbekstandaǵy kanal da jabylǵan.
Qazirgi ýaqytta izdestirý-qutqarý jumystary jalǵasýda.
