Túrkistan oblysy, Keles aýdanynda jańa meshittiń qurylysy aıaqtalyp, halyq ıgiligine berildi. Satybaldy Imanberdiuly atyndaǵy ımandylyq úıiniń ashylýyna elimizdiń bas múftıi Naýryzbaı qajy Taǵanuly, Túrkistan oblysynyń bas ımamy Erkebulan Qaraqulov, Keles aýdanynyń bas ımamy Aıdaráli Sadyqov, aýdanǵa belgili aqsaqaldar jáne meshitti salýǵa muryndyq bolǵan Satybaldy áýleti qatysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Táýelsizdik alǵan jyldar ishinde óńirimizde din salasynda da úlken jumystar atqarylǵan. Jańadan meshitter turǵyzylyp, Islam dinin oqytatyn mamandar daıarlandy. Bul jumystar áli de óz jalǵasyn tabýda.

Saltanatty túrde ashylǵan 2000 oryndyq Satybaldy Imanberdiuly atyndaǵy aýdandyq meshitte aldymen árýaqtarǵa quran baǵyshtalyp, aqsaqaldar batasyn berdi. Ótken jyly qurylysy bastalǵan nysannyń jalpy aýmaǵy 1 gektardan asady. Al meshit ǵımaratynyń aýmaǵy 1451 sharshy metrdi quraıdy.