Meditsinalyq tirekterdiń tórteýi Qoshqar ata aýyldyq okrýgindegi eldi mekenderde boi kóterse, Birtilek pen Aqtóbe aýyldyq okrýgterinde de tórt nysan salynǵan.
Qalǵandary Birlik, Bozoi jáne Júzimdik aýyldaryna tiesili. Bul meditsinalyq beketterdiń barlyǵy oblys ákiminiń qoldaýymen arnaiy investorlardyń qarjysyna salynǵan.
Máselen, 1300-den asa halyq turatyn Besaýyl eldi mekeninde paidalanýǵa berilgen meditsinalyq pýnkt qajetti qural-jabdyqtarmen tolyq qamtylǵan. Bunda júkti áielderdi esepke alý, balalarǵa meditsinalyq kómek kórsetý jáne zamanaýi egý bólmeleri bar. Al Jambyl eldi mekeninde ashylǵan meditsinalyq tirekti túrik kompaniiasy nemis tehnologiiasymen salyp bergen. Jobalyq quny – 30 mln teńge.
Aǵa dáriger Sáýle Qutysheva bylai deidi: «Bizge eń tiimdi jeri osy eldi mekende 950 halyq bar. Sol halyqqa meditsinalyq kómektiń jaqsy ári sapaly bolýy úshin oy jerde feldsher jáne akýsherler jumys isteidi. Buryn bizde feldsher ǵana otyratyn. Sol úshin akýsher bólmesi ashylyp, týý jasyndaǵy áielder úshin barlyq jaǵdailar jasalyp otyr».
