Eýropa Qaita qurý jáne damý banki "Qazaqstannyń elektr jelilerin basqarý" AQ-ǵa (KEGOC) 267 mln evro qaryz usynbaq. Kompaniia bul qarajatty qandai qajettilikterine jumsaitynyn aitty, dep jazady Dalanews.kz.
Kompaniia baspasóz qyzmetiniń málimetinshe, bul qarajat 500 kV Qarabatan-Ólke (Atyraý-Aqtóbe tas jolynyń boiynda) elektr berý jelisin jáne 500 kV Qarabatan qosalqy stantsiiasyn salýǵa beriledi. Sondai-aq Qarabatan (220 kV) jáne Ólke (500 kV) qosalqy stantsiialaryndaǵy taratý qurylǵylaryn keńeitýge jumsalady.
"Bul Batys Qazaqstannyń energetikalyq júiesin eldiń Biryńǵai elektr energetikasy júiesine qosýǵa múmkindik beredi. Batys aimaqtyń ótkizý qabileti 500 MVt-qa deiin artady", – dedi qol qoiý rásiminde "Samuryq-Qazyna" qorynyń basshysy Nurlan Jaqypov.
Aita keteiik, qazanda prezident Qasym-Jomart Toqaev EQQDB prezidenti Odil Reno-Bassomen kezdesý ótkizgen. Qarjy uiymynyń basshysy "Samuryq-Qazyna" AQ satyp alý rásimderine oń baǵasyn bergen. Onyń aitýynsha, nesie berýshi kompaniialar satyp alý rásimderin qordyń erejeleri boiynsha júzege asyrady.
EQQDB-men nesielik kelisim 2024 jylǵy 20 jeltoqsanda korporativtik sheshimder qabyldanǵannan keiin kúshine enedi.
Aita ketsek, Qazaqstannyń elektr jelilerin basqarý" AQ-nyń (KEGOC) 90 paiyz aktsiiasy "Samuryq-Qazyna" ulttyq ál-aýqat qoryna tiesili.
