Sońǵy 9 aida Qazaqstanda elektr energiiasyn óndirý kólemi 86,7 mlrd kVtsaǵ deńgeiinde qalyptasty. 2023 jyldyń sáikes kezeńimen salystyrǵanda óndirý kólemi 4,2 mlrd kVtsaǵatqa, iaǵni 5,1%-ǵa ósti. Tutyný kórsetkishi 87,7 mlrd kVtsaǵ qurady, iaǵni 2023 jyldyń sáikes kezeńinen 3,3 mlrd kVt/saǵatqa nemese 4%-ǵa joǵary.
Qazaqstan BEJ-iniń jekelegen energetikalyq aimaqtary boiynsha eldegi tutyný ósimi tómendegidei bólindi:
- Batys aimaq (Batys Qazaqstan, Atyraý jáne Mańǵystaý oblystary) – 10,4%;
- Ońtústik aimaq (Almaty, Jetisý, Jambyl, Túrkistan, Qyzylorda oblystary) – 4,3%;
‒ Soltústik aimaq (Ulytaý, Qaraǵandy, Aqmola, Pavlodar, Qostanai, Aqtóbe, Shyǵys Qazaqstan, Soltústik Qazaqstan jáne Abai oblystary) – 2,4%.
UET arqyly elektr energiiasyn jetkizý boiynsha qyzmetter kólemi 13,4 mlrd kVtsaǵatty qurady, bul 2023 jylǵy kórsetkishterden 57%-ǵa tómen. Bul elektr energiiasyn Biryńǵai satyp alýshynyń jańa modeli men UET paidalaný jónindegi jańa qyzmet engizilgennen keiin QR kóterme saýda naryǵy sýbektilerine elektr energiiasyn jetkizý kóleminiń tómendeýimen bailanysty.
UET paidalaný boiynsha qyzmetter kólemi 54,8 mlrd kVtsaǵ qurady.
Sondai-aq, Qazaqstan boiynsha elektr energiiasyn óndirý-tutynýdyń ulǵaiýymen bailanysty tehnikalyq dispetcherleý jáne teńgerimdeýdi uiymdastyrý kólemi 2023 jylmen salystyrǵanda 3,9% jáne 2,7%-ǵa ósip, tiisinshe 81,4 mlrd kVtsaǵ jáne 155,1 mlrd kVtsaǵ jetti.
Bul rette Reseiden elektr energiiasy importynyń aitarlyqtai tómendeýi baiqalady. 2024 jylǵy 1 naýryz ben 30 qyrkúiek aralyǵyndaǵy import 2 562,3 mln kVtsaǵ qurady. Bul 2023 jyldyń uqsas kezeńinen 740,2 mln kVtsaǵ (3 302,5 mln kVtsaǵ) tómen.
Elektr energiiasynyń importy negizinen óndirýshi elektr stantsiialaryn josparly jóndeýden ótkizý kezindegi tapshylyqty jabýǵa baǵyttaldy jáne biyl naýryz aiynda aýystyrylǵan ýaqytqa qatysy joq.
2024 jyly Qazaqstandaǵy elektr stantsiialarynyń apattyq jaǵdailary ótken jylmen salystyrǵanda 13%-ǵa tómendedi, al avariialyq jóndeýlerdiń uzaqtyǵy 35%-ǵa qysqardy. Osyǵan qaramastan, stantsiialardyń apattyq jaǵdaiy saqtalyp otyr, bul Resei Federatsiiasynyń teńgerim naryǵy esebinen jabylatyn teńgerimsizdik kóleminiń ósýine ákeledi. Resei Federatsiiasynan satyp alynǵan elektr energiiasynyń ortasha baǵasy 2023 jylmen salystyrǵanda biyl 10%-ǵa ósti.
Osyǵan bailanysty «KEGOC» AQ-nyń Resei energojúiesimen shekarada Qazaqstan energojúiesiniń aýytqýyn retteý maqsatynda Resei Federatsiiasynan elektr energiiasyn satyp alýǵa jumsaǵan shyǵyndary ulǵaidy.
Kompaniia kórsetetin qyzmetter kóleminiń ulǵaiýy qarjylyq kórsetkishterdiń ósýine áser etti. Kompaniianyń operatsiialyq paidasy esepti kezeńde 59 mlrd teńgeni qurady, ósim – 59%-dy, taza paida – 47 mlrd teńgeni qurady, bul 2023 jyldyń uqsas kezeńinen 18,4 mlrd teńgege nemese 64%-ǵa joǵary.
Jyl saiynǵy jylytý maýsymyna daiyndyq aiasynda kompaniiada 122 elektr jelisi nysany jóndeldi, kompaniia aktivterine qyzmet kórsetý úshin qajetti materialdar men qosalqy bólshekterdiń apattyq qory tolyqtyryldy. 2024 jylǵy 3 qazanda Qazaqstan Respýblikasy Energetika ministrliginiń Atomdyq jáne energetikalyq qadaǵalaý jáne baqylaý komiteti «KEGOC» AQ-ǵa 2024-2025 jyldardaǵy kúzgi-qysqy kezeńdegi jumysqa daiyndyq pasportyn berdi.
