Májilis Qazaqstan men Qyrǵyzstan arasyndaǵy shekaralyq ótkizý pýnktteri týraly kelisimge engizilgen ózgeristerdi ratifikatsiialady, dep habarlaidy Dala News.
Qujatqa sáikes, «Kegen-avtojoldyq» (Qazaqstan) – «Qarqara-avtojoldyq» (Qyrǵyzstan) ótkizý beketiniń jumys ýaqyty endi «kúndizgi rejimnen» «táýlik boiyna» aýystyrylady. Buǵan deiin beket tek jaryq ýaqytta ǵana qyzmet kórsetip kelgen.
Bul sheshim eki el arasyndaǵy shekaralyq yntymaqtastyqty nyǵaitýǵa, taýar ainalymyn arttyrýǵa jáne týrizmdi damytýǵa múmkindik beredi. Ásirese Qarqara jailaǵy baǵyty boiynsha júretin týrister men kásipkerler úshin qozǵalys áldeqaida yńǵaily bolmaq.
Aita keteiik, Qyrǵyzstanmen shekarada jalpy 12 ótkizý beketi bar. Onyń segizi kópjaqty, tórteýi ekijaqty rejimde jumys isteidi. Qazaqstan men Qyrǵyzstan arasyndaǵy shekara halyqaralyq quqyq normalaryna tolyq sai rásimdelgen.
