KazNARU rektory AQSH-ta Nebraska Lınkoln ýnıversıtetiniń basshylyǵymen kezdesti

Saǵynysh Sardarova 01 naý. 2024 17:17 2007

Qazaq ulttyq agrarlyq zertteý ýnıversıtetiniń Basqarma Tóraǵasy - Rektory Kúrishbaev Aqylbek Qajyǵululy AQSH-qa sapary barysynda eldiń jetekshi oqý orny Nebraska Lınkoln Ýnıversıtetiniń basshylyǵymen kezdesip, eki JOO arasynda «Jan-jaqty jáne ózara tıimdi yntymaqtastyq pen áriptestikti damytý týraly kelisimge» qol qoıdy.

Nebraska Lınkoln Ýnıversıteti tarapynan qujatqa Ýnıversıtettiń Basqarma Tóraǵasy – Regent, profesor Rodnı Bennett qol qoıdy.

Kelisim ýnıversıtetterdiń agronomıa, tabıǵı jáne sý resýrstaryn basqarý, qorshaǵan orta týraly ǵylym, bıologıalyq júıeler ınjenerıasy jáne basqa da magıstrlik baǵdarlamalar salasynda eki dıplomdyq bilim berý baǵdarlamasyn qurý boıynsha yntymaqtastyqty kózdeıdi. Bul mańyzdy qadam KazNARU stýdentterine AQSH-ta oqýdy qamtamasyz etýge múmkindik beredi.

Kelisim sondaı-aq Qazaqstan úshin mańyzdy jobany: qazaqstandyq fermerler arasynda jańa tehnologıalar men ǵylymı ázirlemelerdi usyný jáne taratý jónindegi Extension services Ortalyǵyn qurý boıynsha konsýltasıalar men Jol kartasyn ázirleý jónindegi jumystardy bastaýdy, sondaı-aq sý resýrstaryn basqarý boıynsha birlesken zertteýler júrgizý jónindegi yntymaqtastyq tetigin damytýdy kózdeıdi.

Nebraska Lınkoln Ýnıversıtetiniń basshylarymen talqylaý barysynda ǵylymı saladaǵy seriktestikti damytýdyń naqty qadamdary da qarastyryldy. Taraptar Nebraska Lınkoln Ýnıversıtetiniń ókildi delegasıasy jaqyn arada KazNARU-ǵa yntymaqtastyq máselelerin naqtylaý, sondaı-aq stýdentter úshin Spýtnıktik kampýs pen fermerlerdiń bilimin taratý Ortalyǵyn qurý múmkindigin talqylaý úshin saparlap kelýge kelisti.

Kelissózder barysynda joǵary oqý oryndarynyń basshylary Nebraska Ýnıversıtetinen oqytýshylardyń Workshop serıalaryn, semınarlardy, POQ biliktiligin arttyrý kýrstaryn ótkizý jáne KazNARU magıstranttary men doktoranttary úshin dárister oqý úshin kelý múmkindigin talqylady.
Qazaq ulttyq agrarlyq zertteý ýnıversıtetiniń Rektory A.Q.Kúrishbaev sondaı-aq ırrıgasıalyq júıelerge arnalǵan jabdyqtar men tehnologıalar óndiretin álemdegi eń iri kompanıalardyń biri – «Wellmont» kompanıasynyń Vıse-prezıdenti Darın Sıkmen myrzamen sý sharýashylyǵy boıynsha birlesken quzyrettilik Ortalyǵyn qurý máselesi boıynsha kezdesti.

Kezdesý aıasynda KazNARU basshylyǵy ǵylymı zerthanalarǵa, ınovasıalyq jylyjaıǵa baryp, Nebraska Lınkoln Ýnıversıtetiniń Extension services ortalyǵynyń jumysymen tanysty. Osylaısha, KazNARU basshylyǵynyń AQSH-tyń jetekshi ýnıversıtetteriniń biri Nebraska Lınkolnge sapary óte nátıjeli boldy.

Ýnıversıtetter basshylyǵynyń kezdesýinde qol jetkizilgen nátıjeler KazNARU-ǵa halyqaralyq ıntegrasıanyń jańa deńgeıine shyǵýǵa, bilim berý baǵdarlamalarynyń sapasyn jáne ǵylymı zertteýler deńgeıin, onyń ishinde sý qaýipsizdigi máseleleri boıynsha arttyrýǵa, Qazaqstanda fermerler úshin qyzmet kórsetetin quzyretti Ortalyqtar qurý úshin qajetti jaǵdaılar jasaýǵa múmkindik beretini sózsiz.


Usynylǵan
Sońǵy jańalyqtar
x