29–30 qyrkúiekte Astanada kiberqaýipsizdik salasyndaǵy halyqaralyq KazHackStan 2026 konferentsiiasy ótedi, dep habarlaidy dalanews.kz.
Is-shara Táýelsizdik saraiynda uiymdastyrylady. Biylǵy konferentsiianyń negizgi taqyryby – Cyber Resilience («Kiberýstoichivost»).
KazHackStan 2026 – Ortalyq Aziiadaǵy memleket, biznes, tehnologiialyq kompaniialar, halyqaralyq sarapshylar men hakerler qaýymdastyǵyn biriktiretin iri kásibi alań.
Biyl konferentsiiada tek kibershabýyldardyń aldyn alý máselesine ǵana emes, shabýyldan keiin júielerdiń jumysyn jalǵastyrý qabiletine de nazar aýdarylady. Memlekettik júieler, kompaniialar men tsifrlyq servister qaýipterdi ýaqtyly anyqtap, intsidentterge jaýap berip, jumysty qalpyna keltirip, tipti iri shabýyldan keiin de jumysyn jalǵastyra alýy kerek.
Kiberqaýipsizdik máselesi búginde tek sala mamandaryna qatysty emes. Internet-alaiaqtyq, jeke derekterdiń taralyp ketýi, fishing, dipfeikter jáne basqa da tsifrlyq qaýipter azamattarǵa kún saiyn áser etedi. Osyǵan bailanysty KazHackStan 2026 kásibi máselelermen qatar qoǵamnyń tsifrlyq ortadaǵy qaýipsizdigine qatysty taqyryptardy da qamtidy.
Birinshi kún – GOVERNMENT & BUSINESS DAY
Konferentsiianyń birinshi kúni memlekettiń, biznestiń, mańyzdy infraqurylymnyń kiberturaqtylyǵyna jáne azamattardyń qaýipsizdigine arnalady.
Negizgi taqyryptar:
• azamattardy internet-alaiaqtyqtan, qarjy piramidalarynan jáne áleýmettik injeneriiadan qorǵaý;
• jeke derekterdiń taralyp ketýi jáne olardy qorǵaý;
• feikter, dipfeikter jáne aqparattyq manipýliatsiialar;
• kiberqylmysqa qarsy is-qimyldyń praktikalyq mysaldary;
• mańyzdy infraqurylymdy qorǵaý;
• kibertáýekelderdi basqarý jáne basshylardyń jaýapkershiligi;
• memleket, biznes jáne aqparattyq qaýipsizdik mamandarynyń ózara is-qimyly;
• jasandy intellekt, bultty tehnologiialar jáne tsifrlyq transformatsiiaǵa bailanysty jańa qaýipter.
Ekinshi kún – SECURE DEVELOPMENT & HACK DAY
Ekinshi kún qaýipsiz ázirleý, tehnikalyq kiberqaýipsizdik jáne praktikalyq hakerlikke arnalady.
Secure Development baǵyty boiynsha:
• AppSec jáne DevSecOps;
• ázirleýdiń barlyq kezeńindegi qaýipsizdik;
• bultty infraqurylymdy qorǵaý;
• osaldyqtardy anyqtaý jáne joiý;
• ázirleýde jasandy intellektti paidalaný jáne onymen bailanysty jańa táýekelder.
Hack baǵyty boiynsha:
• qazaqstandyq jáne halyqaralyq jetekshi sarapshylardyń tehnikalyq baiandamalary;
• shabýyldar men olardan qorǵaný ádisteriniń tikelei kórsetilimderi;
• naqty osaldyqtar men kiberintsidentterdi taldaý;
• ICO 2027 ulttyq irikteýiniń finaly – Italiiada ótetin Halyqaralyq kiberqaýipsizdik olimpiadasyna Qazaqstan quramasyna qatysatyn oqýshylardy irikteýdiń kúndizgi kezeńi. Baiqaý Jeopardy CTF formatynda ótedi;
• praktikalyq kiberqaýipsizdik boiynsha aýqymdy CyberKumbez baiqaýynyń finaly.
Konferentsiia alańynda kórme aimaǵy da jumys isteidi. Onda qazaqstandyq jáne halyqaralyq kompaniialar kiberqaýipsizdik salasyndaǵy ónimderi men tehnologiialaryn tanystyrady.
KazHackStan memlekettik organdardyń, qarjy sektorynyń, iri, orta jáne shaǵyn biznestiń, IT-kompaniialardyń, ázirleýshilerdiń, zertteýshilerdiń, aqparattyq qaýipsizdik mamandarynyń jáne hakerler qaýymdastyǵynyń ókilderin biriktiredi.
KazHackStan 2026 konferentsiiasynyń negizgi ideiasy – qarapaiym qorǵanystan kiberturaqtylyqqa kóshý. Iaǵni memleket, biznes jáne qoǵam tsifrlyq shabýyldarǵa tótep berip, olardyń saldarynan keiin tez qalpyna kelip, jumysyn jalǵastyra alýy kerek.
Konferentsiiany kiberqaýipsizdik jáne tsifrlyq egemendik salasyndaǵy óńirlik kóshbasshy TSARKA Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligimen jáne Qazaqstan Respýblikasy Ishki ister ministrliginiń Kiberqylmysqa qarsy is-qimyl departamentimen birlesip uiymdastyrady.
Is-shara negizgi seriktesterdiń qoldaýymen jáne qatysýymen ótedi. Olardyń qatarynda Freedom Bank, Arizona State University, Astana Hub halyqaralyq tehnoparki jáne Astana qalasynyń ákimdigi bar.
KazHackStan 2026 29–30 qyrkúiekte Astana qalasyndaǵy Táýelsizdik saraiynda, Táýelsizdik dańǵyly, 52 mekenjaiynda ótedi.
