Kazakhmys Smelting ujymy 2026 jylǵy 15 naýryzda jalpyhalyqtyq referendýmǵa shyǵarylatyn Qazaqstan Respýblıkasy jańa Konstıtýsıasynyń jobasyn qoldaıtynyn bildirdi, dep habarlaıdy Dalanews.kz
Óndiriste ár bólimshe men ár qyzmetkerdiń eńbegi qanshalyqty mańyzdy bolsa, memleket deńgeıinde de ár azamattyń ustanymy eldiń ortaq bolashaǵyn aıqyndaıdy. Turaqty ári qýatty Qazaqstan zań ústemdigine, ádildikke, adam quqyǵyn qurmetteýge jáne qoǵamdyq kelisimge negizdelip qurylady.
Kásiporyn metalýrgteriniń aıtýynsha, jańa Konstıtýsıa jobasy eńbek adamyna degen kózqarasty naqty deńgeıde aıqyndaıdy.
«Biz úshin eń bastysy – qaýipsiz eńbek. Jumysshynyń ómiri men densaýlyǵy bárinen joǵary turýy tıis. Ádil jalaqy, kemsitýshiliktiń bolmaýy, turaqty áleýmettik qorǵaý jáne demalys quqyǵy - bul jaı talap emes, bul - naqty kepildik bolýy kerek», – dep atap ótti óndiris ókilderi.
Jańa Konstıtýsıa jobasy azamattardyń quqyqtary men bostandyqtaryn qorǵaýdy, áleýmettik jaýapkershilikti kúsheıtýdi jáne eńbek adamynyń mártebesin arttyrýdy kózdeıdi.
15 naýryzda ótetin referendým – barshamyz úshin mańyzdy kún.
Balqash mys balqytý zaýytynyń ujymy ony eldiń bolashaǵyna baǵyttalǵan jaýapty tańdaý dep sanaıdy.
Eńbek adamy – eldiń tiregi.
