Kazakhmys Smelting ۇجىمى 2026 جىلعى 15 ناۋرىزدا جالپىحالىقتىق رەفەرەندۋمعا شىعارىلاتىن قازاقستان رەسپۋبليكاسى جاڭا كونستيتۋسياسىنىڭ جوباسىن قولدايتىنىن ءبىلدىردى، دەپ حابارلايدى Dalanews.kz
وندىرىستە ءار بولىمشە مەن ءار قىزمەتكەردىڭ ەڭبەگى قانشالىقتى ماڭىزدى بولسا، مەملەكەت دەڭگەيىندە دە ءار ازاماتتىڭ ۇستانىمى ەلدىڭ ورتاق بولاشاعىن ايقىندايدى. تۇراقتى ءارى قۋاتتى قازاقستان زاڭ ۇستەمدىگىنە، ادىلدىككە، ادام قۇقىعىن قۇرمەتتەۋگە جانە قوعامدىق كەلىسىمگە نەگىزدەلىپ قۇرىلادى.
كاسىپورىن مەتاللۋرگتەرىنىڭ ايتۋىنشا، جاڭا كونستيتۋسيا جوباسى ەڭبەك ادامىنا دەگەن كوزقاراستى ناقتى دەڭگەيدە ايقىندايدى.
«ءبىز ءۇشىن ەڭ باستىسى – ءقاۋىپسىز ەڭبەك. جۇمىسشىنىڭ ءومىرى مەن دەنساۋلىعى بارىنەن جوعارى تۇرۋى ءتيىس. ءادىل جالاقى، كەمسىتۋشىلىكتىڭ بولماۋى، تۇراقتى الەۋمەتتىك قورعاۋ جانە دەمالىس قۇقىعى - بۇل جاي تالاپ ەمەس، بۇل - ناقتى كەپىلدىك بولۋى كەرەك»، – دەپ اتاپ ءوتتى ءوندىرىس وكىلدەرى.
جاڭا كونستيتۋسيا جوباسى ازاماتتاردىڭ قۇقىقتارى مەن بوستاندىقتارىن قورعاۋدى، الەۋمەتتىك جاۋاپكەرشىلىكتى كۇشەيتۋدى جانە ەڭبەك ادامىنىڭ مارتەبەسىن ارتتىرۋدى كوزدەيدى.
15 ناۋرىزدا وتەتىن رەفەرەندۋم – بارشامىز ءۇشىن ماڭىزدى كۇن.
بالقاش مىس بالقىتۋ زاۋىتىنىڭ ۇجىمى ونى ەلدىڭ بولاشاعىنا باعىتتالعان جاۋاپتى تاڭداۋ دەپ سانايدى.
ەڭبەك ادامى – ەلدىڭ تىرەگى.
