Jarys Qazaqstan Respýblıkasynyń 25 jyldyǵy men Almaty qalasynyń 1000 jyldyǵyna arnaldy. Jarysty ótkizýdegi maqsat «Salaýatty Qazaqstan» memlekettik baǵdarlamasy aıasynda sporttyq is-sharalardy buqaralyq sıpatta ótkizý, salaýatty ómir saltyn nasıhattaý bolatyn.
Jarystyń shymyldyǵyn túrgen Almaty qyz balalar lıseıiniń dırektory Akbýlýt Halıl Ibrahım jáne «KATEV» Halyqaralyq qoǵamdyq qorynyń prezıdenti Darhan Óte myrza óz sózderinde jarysqa qatysýshylardy merekemen quttyqtady.
Osy is-sharanyń qonaǵy, elimizdiń tanymal ánshisi Merýert Túsipbaevanyń oryndaýyndaǵy «Týǵan jer» áni jáne lıseı bıshiler tobynyń oryndaýyndaǵy ulttyq naqyshty bıi qatysýshylarǵa kóterińki kóńil-kúı syılady. Jarysqa jalpy alǵanda 10 komanda qatysty. Atap aıtsaq, bulardyń arasynda Esik lıseıi ata-analar komandasy, Óskemen lıseıiniń ata-analar komandasy, Sýleıman Demırel kolejiniń ata-analar komandasy bar.
Komandalar jaqsy daıyndyqtaryn kórsetti. Oıyn óte qyzý ótti. Jankúıerler oıyn barysynda óz komandalaryn qoldap otyrdy. Sonymen qatar shahmat oıyndaryna da qyzyǵýshylyqpen qatysty. Jarys nátıjesinde İ-oryn — Almaty qyz balalar lıseıi ata-analar komandasyna; İİ-oryn – Óskemen lıseıi ata-analar komandasyna; İİİ-oryn –Taldyqorǵan lıseıi ata-analar komandasyna buıyrdy.
Sondaı-aq komandalar arasynan jekelegen oıynshylar «Eń úzdik shabýylshy», «Lıbero» nomınasıalarymen marapattaldy.
Marapattaý kezinde júldeli oryndarǵa Maqtaý Gramotalary men kýbok jáne medaldar tabys etildi.
Dırektordyń tárbıe isi
jónindegi orynbasary
Týrtaeva F.B
