جارىس قازاقستان رەسپۋبليكاسىنىڭ 25 جىلدىعى مەن الماتى قالاسىنىڭ 1000 جىلدىعىنا ارنالدى. جارىستى وتكىزۋدەگى ماقسات «سالاۋاتتى قازاقستان» مەملەكەتتىك باعدارلاماسى اياسىندا سپورتتىق ءىس-شارالاردى بۇقارالىق سيپاتتا وتكىزۋ، سالاۋاتتى ءومىر سالتىن ناسيحاتتاۋ بولاتىن.
جارىستىڭ شىمىلدىعىن تۇرگەن الماتى قىز بالالار ليسەيىنىڭ ديرەكتورى اكبۋلۋت حاليل يبراحيم جانە «KATEV» حالىقارالىق قوعامدىق قورىنىڭ پرەزيدەنتى دارحان وتە مىرزا ءوز سوزدەرىندە جارىسقا قاتىسۋشىلاردى مەرەكەمەن قۇتتىقتادى.
وسى ءىس-شارانىڭ قوناعى، ەلىمىزدىڭ تانىمال ءانشىسى مەرۋەرت تۇسىپبايەۆانىڭ ورىنداۋىنداعى «تۋعان جەر» ءانى جانە ليسەي بيشىلەر توبىنىڭ ورىنداۋىنداعى ۇلتتىق ناقىشتى ءبيى قاتىسۋشىلارعا كوتەرىڭكى كوڭىل-كۇي سىيلادى. جارىسقا جالپى العاندا 10 كوماندا قاتىستى. اتاپ ايتساق، بۇلاردىڭ اراسىندا ەسىك ليسەيى اتا-انالار كومانداسى، وسكەمەن ليسەيىنىڭ اتا-انالار كومانداسى، سۋلەيمان دەميرەل كوللەدجىنىڭ اتا-انالار كومانداسى بار.
كوماندالار جاقسى دايىندىقتارىن كورسەتتى. ويىن وتە قىزۋ ءوتتى. جانكۇيەرلەر ويىن بارىسىندا ءوز كوماندالارىن قولداپ وتىردى. سونىمەن قاتار شاحمات ويىندارىنا دا قىزىعۋشىلىقپەن قاتىستى. جارىس ناتيجەسىندە ءى-ورىن — الماتى قىز بالالار ليسەيى اتا-انالار كومانداسىنا؛ ءىى-ورىن – وسكەمەن ليسەيى اتا-انالار كومانداسىنا؛ ءىىى-ورىن –تالدىقورعان ليسەيى اتا-انالار كومانداسىنا بۇيىردى.
سونداي-اق كوماندالار اراسىنان جەكەلەگەن ويىنشىلار «ەڭ ۇزدىك شابۋىلشى»، «ليبەرو» نوميناسيالارىمەن ماراپاتتالدى.
ماراپاتتاۋ كەزىندە جۇلدەلى ورىندارعا ماقتاۋ گراموتالارى مەن كۋبوك جانە مەدالدار تابىس ەتىلدى.
ديرەكتوردىڭ تاربيە ءىسى
جونىندەگى ورىنباسارى
تۋرتايەۆا ف.ب
