Kaspii teńizinde aýmaǵy 80 sharshy shaqyrymnan asatyn iri daq tirkeldi. Bul kólem shamamen Aqtaý qalasynyń aýmaǵyna teń, dep habarlaidy Dalanews.kz.
Alǵashqy habarlamalar «Kaspiidegi ashyq álem» telegram-arnasynda jariialandy.
«Sentinel-1A spýtniginiń radiolokatsiialyq sýretterinde mynadai daqtar baiqaldy: bólshektengen keme qaldyqtary. Aýmaǵy 82,51 sharshy shaqyrym. Qazaqstan jáne Ázerbaijan sektorlarynda, Quryq – Baký teńiz joly boiynda», - dep jazdy arna.
Mańǵystaý oblysy ekologiia departamentiniń málimetinshe, lastaný orny Qazaqstan iýrisdiktsiiasynan tys jerde ornalasqan. Mamandar munai tógindisin joqqa shyǵaryp otyr. Bul mai qaldyqtary nemese balyq aýlaý kezinde tastalǵan qaldyqtar bolýy múmkin.
«Koordinattar boiynsha, atalǵan jer Qazaqstannyń eń jaqyn jaǵalaýynan shamamen 61 teńiz mili (113 km) qashyqtyqta. Bul aimaq halyqaralyq teńiz joldaryna jatady jáne kórshiles elderdiń akvatoriiasyn qamtýy múmkin», - dep naqtylady departament.
Jaǵdaiǵa TJD de túsinikteme berdi. Vedomstvo málimetinshe, mundai qubylystar spýtniktik sýretterde turaqty tirkelip otyrady. Jyl basynan beri teńizdiń soltústik bóliginde shamamen 50 daq baiqalǵan.
«Kóp jaǵdaida bul daqtar uzynshaq pishinde bolady, olar keme qozǵalysy kezinde tógilgen qaldyq sýlarǵa tán. Mundai daqtardyń himiialyq quramy anyqtalmaidy, munai tógindisi bar degen dáleldengen derekter joq. Barlyq baqylaý tek spýtniktik málimetterdiń vizýaldy taldaýyna negizdeledi», - dedi Mańǵystaý oblysy TJD.
Ekologtardyń aitýynsha, kemeler kóbine jaýapkershilikten qutylý úshin Kaspiidiń beitarap sý aimaqtaryna óz qaldyqtaryn nemese las suiyqtyqtaryn tastaidy.
Máseleni tereńirek zertteý úshin «Qazaqstan Ǵarysh Sapary» AQ tartyldy. Kompaniia halyqaralyq ǵarysh uiymdarymen birlesip, teńiz akvatoriiasyna jedel túsirilim júrgizip jatyr.
