Tamyz aiynda Kaspii akvatoriiasynda 55 brakonerlik fakti anyqtaldy, dep habarlaidy Dalanews.kz.
Shekarashylar brakonerlerden toǵyz júzý quralyn, uzyndyǵy 21 shaqyrymnan asatyn aý men qarmaq quraldaryn tárkiledi.
"Zań buzýshylardan 240 dana nemese 1440 kg bekire tuqymdas balyq jáne 19 kg jai balyq alyndy", – dep málimdedi UQK.
Aldyn alynǵan zalaldyń somasy shamamen 566 mln teńgeden asty.
Bul derekter boiynsha materialdar quqyq qorǵaý jáne sot organdaryna jiberilip, kinálilerdi jaýapkershilikke tartý úshin joldandy.
Aita keteiik, 28 tamyz kúni Aqtaýda uiymdasqan qylmysqa qarsy is-qimyl basqarmasynyń qyzmetkerleri «Quqyqtyq tártip» jedel-profilaktikalyq is-sharasy aiasynda 26-shaǵynaýdanda jergilikti turǵyndy ustady. Tekserý barysynda áielden 41 keliden astam salmaq bolatyn 12 dana bekire tuqymdas balyq (basy bar, ishki músheleri alynǵan) tabyldy. Fakt QR QK 339-babynyń 1-bóligi boiynsha (joiylyp bara jatqan jáne sirek kezdesetin janýarlar túrlerimen zańsyz ainalysý) sotqa deiingi tergep-tekserýdiń biryńǵai tizilimine tirkeldi.
