Mańǵystaý oblysynyń Túpqaraǵan aýdanynda Kaspii teńizi jaǵalaýynan 97 itbalyqtyń óleksesi anyqtaldy, dep habarlaidy Dalanews.kz.
"Aq Jaiyq" derekkóziniń málimetinshe, 17 sáýir kúni júrgizilgen monitoring barysynda jaǵalaý boiynan itbalyqtardyń ólekseleri tabylǵan. "Kaspii itbalyǵy" memlekettik tabiǵi rezervatynyń málimetinshe, sol kúni saǵat 11:00-degi jaǵdai boiynsha aýdan aýmaǵyndaǵy jaǵalaýdan 97 itbalyqtyń óleksesi tirkelgen. Mamandardyń aitýynsha, olardy batystan soqqan jel jaǵaǵa shyǵaryp tastaǵan.
Oqiǵa ornyna "Kaspii itbalyǵy" rezervatynyń, Jaiyq-Kaspii oblysaralyq balyq sharýashylyǵy basseindik inspektsiiasynyń, jergilikti ákimdiktiń, politsiianyń, ekologiia departamentiniń, veterinarlyq baqylaý jáne qadaǵalaý qyzmetiniń, gidrobiologiia jáne ekologiia institýtynyń, Kaspii itbalyǵyn zertteý jáne ońaltý ortalyǵynyń, sondai-aq basqa da tiisti uiymdardyń ókilderi barǵan.
Endi mamandar arnaiy jumys tobyn quryp, ólekselerden synama alyp, janýarlardyń qyrylý sebepterin aldyn ala anyqtaidy.
Gidrobiologiia jáne ekologiia institýty qyzmetkerleriniń boljamynsha, itbalyqtar bir aidan astam ýaqyt buryn qyrylǵan. Alaida olardyń denelerin Túpqaraǵan jaǵalaýyna tek qazir ǵana daýyldy batys jeli alyp kelgen bolýy múmkin. Qazirgi ýaqytta jaǵalaýdy baqylaý jalǵasyp jatyr.
