Eger JK-siz jáne qyzmetkersiz ózińizge jumys isteseńiz — jóndeý, oqytý, turǵyn úidi jalǵa berý, jattyǵý, sýretke túsirý siiaqty jumystarmen ainalyssańyz nemese basqa da jeke qyzmetti kórsetseńiz, onda Kaspi.kz qosymshasyndaǵy ózin-ózi jumyspen qamtyǵandarǵa arnalǵan servister – siz úshin:
- Ózin-ózi jumyspen qamtýshynyń shotyn 1 minýtta onlain tegin ashý
- kz qosymshasynda tólem qabyldaý jáne chekti avtomatty túrde jasaý
- Aýdarymdar men jarnalardy esepteý jáne tóleýge daiyndaý
Kaspi.kz sýperqosymshasyndaǵy ózin-ózi jumyspen qamtyǵandarǵa arnalǵan shot zańnamanyń talaptaryn saqtaýǵa jáne jeke qyzmetter men jeke aýdarymnan túsetin kiristi ajyratýǵa múmkindik beredi.
Ózin-ózi jumyspen qamtyǵan azamattar úshin jańa arnaiy salyq rejimi (ASR) qyzmetkerlersiz ózine jumys isteitin, 40 qyzmet túri boiynsha aiyna 300 AEK-ke (1 297 500 teńge) deiin tabys tabatyndarǵa arnalǵan.
Kaspi.kz basshysy ári negizin qalaýshylardyń biri Mihail Lomtadze:
«Memlekettik organdarmen yntymaqtasa otyryp, ózin-ózi jumyspen qamtyǵandar úshin jańa yńǵaily servisterdi iske qostyq. Ózderine jumys isteitin bizdiń súiikti klientterimiz týra úzdik Kaspi.kz qosymshasynda shotty tegin ashyp, tólemdi Kaspi QR-men nemese qashyqtan qabyldai alady. Chekter avtomatty túrde jasalady, bir aidyń qorytyndysy boiynsha aýdarymdar men jarnalardyń somasy esepteledi. Yntymaqtasa jumys istegeni úshin memlekettik organdarǵa jáne bizben birge bolǵany úshin ár klientimiz ben seriktesimizge alǵysymyzdy bildiremiz!»
QR QM Memlekettik kirister komiteti tóraǵasynyń orynbasary Seiljan Ahmetov:
«Ózin-ózi jumyspen qamtyǵandarǵa arnalǵan arnaiy salyq rejimin engizý – bul ózderine jumys isteitin azamattardy qoldaýdaǵy mańyzdy qadam. Jańa rejim aiyna 300 AEK-ke deiingi tabys alǵan kezde JTS-ny tólemei-aq, tek 4% áleýmettik tólemderdi tólep, qyzmetti zańdy túrde júrgizýge múmkindik beredi. Osylaisha, memleket kóleńkeli ekonomikadan shyǵý jáne ózin-ózi jumyspen qamtyǵandardy áleýmettik qorǵaý júiesine tartý úshin qolaily jaǵdai jasaidy».
Kaspi.kz-te ózin-ózi jumyspen qamtýshynyń shotyn ashyp, búginnen bastap tólemdi qolaily sharttarmen qabyldańyz:
- Shot ashý jáne qyzmet kórsetý: tegin
- Kaspi Bonýs: ózin-ózi jumyspen qamtý shyǵa 4-shi aidan bastap tólem somasynyń 1%
- Tólemdi qabyldaǵany úshin komissiia:4-shi aidanbastap 0,95%.
Jańa servis pen jumys isteý sharttary týraly tolyq aqparat Kaspi Gidte kórsetilgen.
Kaspi.kz týraly
Kaspi.kz missiiasy – klientter men seriktesterdiń ómirin jaqsartatyn innovatsiialyq ónimder men qyzmetter jasaý. Innovatsiialardyń ortalyǵynda – eldegi eń tanymal mobildi sýperqosymsha Kaspi.kz. Ony shamamen 15 millionǵa jýyq qazaqstandyq paidalanady, ol eldegi elektrondy saýda, tólem jáne qarjylyq jetekshi servisterdi qamtidy.
Kaspi.kz sýperqosymshasy arqyly qazaqstandyqtar tegin jetkizý qyzmeti bar tiimdi onlain zat satyp alyp, komissiiasyz tólemder men aýdarymdar jasaidy, jeke qarjylaryn basqarady, áýe jáne temirjol biletterin satyp alady, týrlar rásimdeidi jáne eń tanymal memlekettik qyzmetterdi paidalanady.
Kaspi.kz biznes úshin de Kaspi Pay sýperqosymshasyn ázirledi, ony Qazaqstandaǵy shamamen 700 myńǵa jýyq kásipker paidalanady. Kaspi Pay arqyly kásipkerler biznesin damytýǵa qarjylandyrý alady, tólem qabyldaidy, jarnamalyq naýqandar júrgizedi, salyq tóleidi, elektrondyq saýda jáne jetkizý platformasyna qosylady, onyń kómegimen taýarlaryn búkil el aýmaǵynda satady.
Garvard Biznes mektebi Kaspi.kz týraly eki oqý materialyn ázirledi, ony birneshe jyldan beri magistratýra stýdentteri oqyp keledi.
