Kaspi.kz qosymshasy arqyly «Ftızıatrıa» ftızıopýlmonologıa ortalyǵynan týberkýlezben aýyratyn naýqastardyń dıspanserlik esepte turǵany nemese turmaǵany týraly, Psıhıkalyq densaýlyq ortalyǵynan naýqastardy dınamıkalyq baqylaý (ne dınamıkalyq baqylaýdyń joqtyǵy) týraly jáne «Narkologıa» psıhıkalyq densaýlyq ortalyǵynan narkologıalyq naýqastardy dınamıkalyq baqylaý (ne dınamıkalyq baqylaýdyń joqtyǵy) týraly anyqtamalardy alýǵa boladyú Bul – qujattar jumysqa ornalasqanda nemese oqýǵa túskende, júrgizýshi kýáligin alǵanda nemese vıza alǵanda qajet bolady.
Kaspi.kz-tiń basshysy ári negizin qalaýshylardyń biri Mıhaıl Lomtadze:
– Biz úzdik Kaspi.kz qosymshasy arqyly qazaqstandyqtardyń memlekettik qyzmetterge qol jetkizý deńgeıin keńeıte bermekpiz. Sıfrlyq damý mınıstrligimen jáne Densaýlyq saqtaý mınıstrligimen birlesip, taǵy bir tamasha servısti iske qostyq. Endi súıikti klıentterimizge anyqtama jınaýǵa ýaqyt jumsaýdyń qajeti joq. Endi olardy týra úzdik Kaspi.kz qosymshasynda onlaın rejımde alýǵa bolady. Bul – memleket pen bıznestiń qazaqstandyqtardyń kúndelikti mindetterin sheshýdi jeńildetý úshin kúsh biriktirýiniń taǵy bir tabysty mysaly, – dep Mıhaıl Lomtadze jańalyǵymen bólisti.
Óz kezeginde QR Sıfrlyq damý mınıstri Mýsın Baǵdat:
– Azamattar sıfrlyq tehnologıalardyń barlyq artyqshylyqtaryn paıdalanýy úshin qazaqstandyqtardyń arasynda tanymal Kaspi.kz servısi jetildirilip, kóptegen qujattarmen tolyqtyrylýda. Esterińizde bolsa, buryn jumysqa ornalasqan kezde nemese júrgizýshi kýáligin alý úshin 3 jerge baryp, psıho, narkodıspanserlerden, týberkýlez ortalyqtarynan anyqtama jınaý kerek bolatyn. Endi munyń bárin Egov mobile qosymshasynda bir-eki ret basyp qana alýǵa bolady. Buryn da aıtyp ótkenimizdeı, alýshylarǵa yńǵaıly bolý úshin biz basqa qaýipsiz servıstermen bólisemiz. Búgingi tańda bul málimetter Kaspi.kz-te qoljetimdi. Biz memlekettik qyzmetterdi barynsha yńǵaıly paıdalaný úshin jáne alý úshin iri qarjy ınstıtýttarymen jáne jetekshi tehnologıalyq eldermen jemisti yntymaqtastyǵymyzdy jalǵastyramyz, – dedi mınıstr.
Al Densaýlyq saqtaý vıse-mınıstri Esenbaev Beıbit: «Qazaqstan Respýblıkasy Densaýlyq saqtaý mınıstrligi ártúrli platformalar arqyly azamattardyń densaýlyq jaǵdaıy týraly qajetti málimetterdi usyný tásilderin kóbeıtip jatyr. Azamattarǵa aqparat berý úshin málimetter men platformalardyń tizbesin odan ári keńeıtýge daıynbyz. Osy platformada iske qosý – azamattarǵa málimetterdi berý kezeńderiniń biri. Biz azamattardyń ózderiniń medısınalyq derekterine qol jetkizý quqyqtaryn iske asyramyz» dep oıyn ortaǵa saldy.
Alynǵan anyqtamalar Kaspi.kz qosymshasyndaǵy «Memlekettik qyzmetter» «Sıfrlyq qujattar» bóliminde qoljetimdi. Anyqtamalardy kórýge, júktep alýǵa nemese qajetti adresatqa elektrondyq poshtamen nemese messendjermen jiberýge bolady.
Kaspi.kz sýperqosymshasyn 12 mıllıonnan astam qazaqstandyq aı saıyn paıdalanady.«Memlekettik qyzmetter» bólimi arqyly qazaqstandyqtar ózderiniń sıfrlyq qujattaryna qol jetkize alady, kólikti qaıta tirkeıdi, járdemaqy alady, salyq tóleıdi, júrgizýshi kýáligin aýystyrady jáne bıznesin tirkeıdi.
