Iran Kaspii teńizindegi saýda kemesine jasalǵan shabýyldy qatań aiyptap, Ýkrainanyń bul áreketin jaýapsyz qaldyrmaitynyn málimdedi, dep habarlaidy dalanews.kz.
Irannyń Syrtqy ister ministrliginiń habarlaýynsha, senbi kúni tańerteń ýkrainalyq áskeri kúshter Reseidiń Astrahan portynan Irannyń Enzeli portyna baǵyt alǵan azamattyq júk kemesine soqqy jasaǵan. Shabýyl saldarynan bir teńizshi qaza taýyp, taǵy biri jaralanǵan.
Iran parlamentiniń syrtqy saiasat jáne ulttyq qaýipsizdik jónindegi komissiiasynyń tóraǵasy Ebrahim Azizi X áleýmettik jelisinde Iranǵa qarsy jasalǵan kez kelgen áreket jaýapsyz qalmaitynyn aitty.
“Iranǵa jasalǵan kez kelgen shabýyldyń óteýi bolady jáne bul qaǵida búgin de ózekti. Ýkraina da jýyq arada Irannyń ózine qarsy áreketterdi jaýapsyz qaldyrmaitynyn túsinedi. Qateleskenderdiń qatary kóbeiip keledi”, – dep jazdy Azizi.
Al Iran Syrtqy ister ministrligi Ýkraina prezidenti Vladimir Zelenskiidi halyqaralyq quqyqty buzdy dep aiyptady.
Iran SIM saýda kemesine jasalǵan shabýyldy BUU Jarǵysyn óreskel buzý dep baǵalady. Vedomstvonyń pikirinshe, bul áreket Izraildiń yqpalymen jasalyp, Eýropany soǵysqa tartýdy kózdeidi.
Ministrlik Eýroodaqtyń syrtqy saiasat jónindegi joǵarǵy ókili Kaia Kallaspen jáne Resei syrtqy ister ministri Sergei Lavrovpen ótken áńgimelerde de bul másele kóterilgenin atap ótti.
"Kievtegi bul masyldyń áreketi jaýapsyz qalmaitynyn anyq jetkizdim", - delingen Iran SIM taratqan málimdemede.
Osylaisha, Iran tarapy Kaspii teńizindegi oqiǵaǵa bailanysty Ýkrainaǵa qarsy jaýap sharalaryn qabyldaitynyn málimdep otyr.
