Qorǵanys ministrligi Qarýly kúshterdiń Áskeri-teńiz kúshteri bas qolbasshysynyń birinshi orynbasary Daniiar Hairýshevtiń ustalǵanyn rastady, dep habarlaidy dalanews.kz.
Tengrinews.kz basylymynyń jazýynsha, Daniiar Hairýshev biyl mamyr aiynda áskerdiń joǵary jaýyngerlik ázirligin saqtaýǵa qosqan úlesi jáne qyzmetindegi jetistikteri úshin Baýyrjan Momyshuly atyndaǵy II dárejeli «Aibyn» ordenimen marapattalǵan.
Buǵan deiin Mańǵystaý oblysyndaǵy áskeri oqý-jattyǵý kezinde bolǵan qaiǵyly oqiǵaǵa bailanysty Qorǵanys ministrligi júiesindegi bes laýazymdy tulǵanyń ustalǵany habarlanǵan edi.
Olar qyzmetke salǵyrt qaraý jáne korabl júrgizý qaǵidalaryn buzý saldarynan aýyr zardaptarǵa ákep soqqan qylmystyq quqyq buzýshylyqtar jasady degen kúdikke ilingen.
Keiin Ishki ister ministrligi iske qatysy bolýy múmkin basqa da tulǵalardyń sheńberin anyqtaý jumystary jalǵasyp jatqanyn habarlady.
Qazirgi ýaqytta qylmystyq is boiynsha sotqa deiingi tergeý jalǵasyp jatyr.
