Kaspii teńizindegi áskeri oqý-jattyǵýdan keiin aýrýhanaǵa jetkizilgen sarbaz Aqjol Temirálievtiń qazirgi jaǵdaiy turaqty. Bul týraly aqtaýlyq bloger Azamat Sársenbaev málimdedi, dep habarlaidy dalanews.kz.
Onyń aitýynsha, 2007 jyly týǵan Aqjol Temiráliev oqiǵadan keiin meditsinalyq kómekke júgingen áskeri qyzmetshilerdiń biri.
Buǵan deiin áleýmettik jelilerde sarbazdyń densaýlyq jaǵdaiyna qatysty túrli aqparat taraǵan edi.
Azamat Sársenbaevtyń málimetinshe, qazirgi ýaqytta Aqjol ózdiginen júrip, tamaq iship, sóilese alady.
"Dárigerler qoldan kelgenniń bárin jasady. Endi jigitke qalpyna kelip, óz-ózine kelý qajet", – dep jazdy ol.
Qazir sarbazdyń jaǵdaiy baqylaýda. Onyń densaýlyǵyna qatysty resmi aqparat tiisti organdar tarapynan naqtylanýy múmkin.
