QR Úkimeti tehnıkalyq jáne kásiptik bilim berý uıymdaryn qarjylandyrýdyń jańa normatıvin qabyldady. Endi 1 qyrkúıekten bastap tehnıkalyq jáne kásiptik bilim berý uıymdaryna arnalǵan jan basyna shaqqandaǵy qarjylandyrý kólemi 2 ese artady, – dep habarlaıdy Dalanews.kz.

Jan basyna shaqqandaǵy normatıvtik qarjylandyrýdyń qoldanystaǵy ádistemesine sáıkes, bir stýdentti oqytýǵa bólinetin ortasha qarajat kólemi 437 myń teńgeni qurap keldi, endi ol orta eseppen 912 myń teńge kóleminde bolady.

Jańa qarjylandyrý normatıvi negizgi jáne yntalandyrýshy tólem bólikterinen turady. Yntalandyrýshy tólemder naqty kórsetkishterge qol jetkizgen kolejderge beriledi.

Jańa qarjylandyrý júıesi básekege qabiletti mamandardy daıarlaýǵa, bilim berý uıymdaryn zamanaýı materıaldyq-tehnıkalyq jabdyqtarmen qamtamasyz etýge, pedagogterdiń biliktiligin arttyrý kýrstaryn uıymdastyrýǵa múmkindik beredi.

Sonymen qatar, kolejderdiń oqý-óndiristik sheberhanalarynda óndirilgen ónimdi satylymǵa shyǵarý mehanızmi qarastyrylyp jatyr. Óndiristen túsken tabys bilim berý uıymdaryn damytýǵa baǵyttalatyn bolady.